လက်ထပ်ပြီး ၇ နှစ်အကြာမှာ တရားဝင်ကွာရှင်းလိုက်ပြီ ဖြစ်တဲ့ မင်းသမီး Han Groo

တောင်ကိုရီးယားမင်းသမီး Han Groo ဟာဆိုရင် စက်တင်ဘာလ ၂၇ ရက်နေ့မှာ ၇ နှစ်ကြာ လက်ထပ်ထားတဲ့ခင်ပွန်းဖြစ်သူနဲ့ လမ်းခွဲလိုက်ပြီ ဖြစ်တဲ့ အကြောင်းကို ကြေညာခဲ့ပါတယ်။ 

မင်းသမီး Han Groo က လက်ရှိမှာကလေးနှစ်ယောက် မိခင်တစ်ယောက်ဖြစ်ပြီး ကွာရှင်းပြီးနောက်မှာ ရင်သွေးလေး နှစ်ယောက်ကို စောင့်ရှောက်ဖို့ တာဝန်ယူသွားမယ်လို့ သိရပါတယ်။ အကြောင်းအရင်း အသေးစိတ်ကိုတော့မင်းသမီးရဲ့ လုံခြုံရေးအတွက် ဖော်ပြနိုင်ခြင်းမရှိဘူးလို့ အေဂျင်စီဘက်က တောင်းဆိုထားပါတယ်။ 

တောင်ကိုရီးယားမင်းသမီး Han Groo က အသက် ၂၃ နှစ်အရွယ် ငယ်ရွယ်စဉ်မှာ အနုပညာလောက ထဲကမဟုတ်တဲ့ သူနဲ့ လက်ထပ်ခဲ့တာဖြစ်ပါတယ်။ သူမရဲ့ ခင်ပွန်းဖြစ်သူက သူမထက် ၉ နှစ်ပိုငယ်ပြီး ချောမောခန့်ညားတဲ့သူအဖြစ် နာမည်ကြီးတဲ့သူဖြစ်ပါတယ်။ သူတို့ နှစ်ဦးရဲ့ မင်္ဂလာပွဲကို Grand Hyatt Seoul ဟိုတယ်မှာ အကျဉ်းချုံးကျင်းပခဲ့တာဖြစ်ပါတယ်။ 

Han Groo က နာမည်ကြီးတဲ့သူတစ်ယောက်ဆိုပေမယ့် သူ့ရဲ့ လက်ထပ်ပြီးနောက်မှာ မိသားစု ကိစ္စတွေရယ် ၊ကိုယ်ဝန်ကိစ္စတွေရယ်ကြောင့် အနုပညာ လောကကနေ ရပ်နားခဲ့ရတဲ့အထိ ဖြစ်ခဲ့ပါတယ်။ 

Han Groo ကို ၁၉၉၂ ခုနှစ်မှာ မွေးဖွားခဲ့တာဖြစ်တာကြောင့် သူမအသက်က ၃၀ နှစ်ရှိသွားပြီပဲ ဖြစ်ပါတယ်။

 Han Groo က အဆိုတော်တစ်ယောက်အဖြစ် ပွဲဦးထွက်လာခဲ့တဲ့သူဖြစ်ပြီး နာမည်ကြီး ဒရမ်မာတွေဖြစ်တဲ့ Scandal ၊  Marriage ၊  Not Dating ၊  Can We Get Married? တို့နဲ့ နာမည်ကြီးလာခဲ့တာဖြစ်ပါတယ်။