ချစ်စရာသားသားမီးမီးလေးတွေမွေးပြီးပျော်ရွှင်စရာ ဘဝလေးကိုတည်ဆောက်ထားတဲ့ ပတ်ဂျင်ဟီး

တောင်ကိုရီးယားမင်းသမီး ပတ်ဂျင်ဟီးဟာဆိုရင် တစ်ခေတ်တစ်ခါက နာမည်ကြီး အောင်မြင်ခဲ့တဲ့ ဇာတ်လမ်းတွဲကောင်းများစွာမှာပါဝင်သရုပ်ဆောင်ဖူးတဲ့သူဖြစ်ပါတယ် ။ ပတ်ဂျင်ဟီးက ၂၀၁၄ ခုနှစ်မှာ ရှေ့နေခင်ပွန်းဖြစ်သူနဲ့လက်ထပ်ခဲ့ပြီး ၂၀၁၄ ခုနှစ်ဒီဇင်ဘာလမှာ သမီးဦးလေးကို မွေးဖွားခဲ့ပါတယ်။ ဒုတိယ သားလေးကိုတော့ ၂၀၁၈ ခုနှစ် ၊ ဇွန်လမှာ မွေးဖွားခဲ့ပါတယ်။ 

သရုပ်ဆောင်ကောင်းသလို ချစ်ဖို့လည်း အရမ်းကောင်းတဲ့ ပတ်ဂျင်ဟီးဟာ လက်ထပ်ပြီးနောက်မှာလည်းတစ်ဟုန်ထိုးအောင်မြင်ခဲ့တဲ့သူဖြစ်ပါတယ်။ ပတ်ဂျင်ဟီးက အနုပညာဘက်မှာ ထူးချွန်ရုံသာမက အများပြည်သူအကျိုးဆောင်ရွက်ရတဲ့ လုပ်ငန်းတွေမှာလည်း ထူးချွန်တဲ့သူဖြစ်ပါတယ်။ သူမဟာဆိုရင် ၂၀၂၁ ခုနှစ်မှာ Natural heritage ambassador အဖြစ် ခန့်အပ်ခြင်း ခံခဲ့ရပါတယ်။ 

ပတ်ဂျင်ဟီး က သဘာဝတရားကိုနှစ်သတ် သဘောကျတဲ့သူဖြစ်ပြီး အပင်လေးတွေ စိုက်ရတာ ဝါသနာပါတဲ့သူဖြစ်တာကြောင့် သူမရဲ့ အင်စတာဂရမ် စာမျက်နှာပေါ်မှာသဘာဝ ဆန်ဆန် အလှတရားလေးတွေ များစွာကို တွေ့ရှိရပါတယ်။ 

ပတ်ဂျင်ဟီးက လက်ရှိမှာ The King of Tears, Lee Bang-won ဆိုတဲ့ ဇာတ်လမ်းတွဲမှာ ပါဝင်သရုပ်ဆောင်ထားပါတယ်။ 

သားသားမီးမီးလေး နှစ်ယောက်နဲ့ ခင်ပွန်းဖြစ်သူနဲ့အတူ ဘဝကြီးကို ပျော်ရွှင်စွာနေထိုင်နေတဲ့ တောင်ကိုရီးယား မင်းသမီး ပတ်ဂျင်ဟီးရဲ့ အကြောင်းကို စိတ်ဝင်စားဖွယ်လေး ဖော်ပြပေးလိုက်ပါတယ်။