မင်းသမီးရှုံးအောင်လှလွန်းတဲ့ သတို့သမီးလေးကို အလင်းပြလိုက်တဲ့ အဆိုတော် San-E

တောင်ကိုရီးယား ရက်ပါအဆိုတော် San-E ဟာဆိုရင် မကြာသေးမီက ချစ်ရတဲ့ ချစ်သူလေးနဲ့ မင်္ဂလာဆောင်လို့သွားခဲ့ပြီပဲဖြစ်ပါတယ်။ 

San-E က မင်္ဂလာဆောင်ကိစ္စနဲ့ပတ်သက်ပြီး စက်တင်ဘာလ ၂၇ ရက်နေ့က သူ့ရဲ့ အင်စတာဂရမ် စာမျက်နှာပေါ်မှာ ဓာတ်ပုံလေးတစ်ပုံဝေမျှပေးခဲ့ပါတယ်။

 ဓာတ်ပုံလေးထဲမှာ San-E က မင်္ဂလာပွဲ ပုံရိပ်လေးကို ဝေမျှထားပြီး မင်္ဂလာပွဲ တက်ရောက်လာသူတိုင်းနဲ့ မင်္ဂလာပွဲကိုဂုဏ်ပြုပေးခဲ့ကြတဲ့သူတိုင်းကိုကျေးဇူးတင်ထားပါတယ်။  

San-E ရဲ့ သတို့သမီးလေးက San-E ထက် ၂ နှစ်ပိုပြီး ငယ်တဲ့သူလို့ သိရပြီး အနုပညာလောကထဲက မဟုတ်တဲ့သူဖြစ်ပါတယ်။ ကောင်မလေးက အနုပညာလောကထဲက မဟုတ်တဲ့သူဆိုပေမယ့် အရမ်းချစ်ဖို့ကောင်းပြီး အနုပညာရှင်ရှုံးတဲ့ အလှတရားကို ပိုင်ဆိုင်ထားတဲ့သူလေး ဖြစ်ပါတယ်။ 

တောင်ကိုရီးယား နာမည်ကြီး ရက်ပါအဆိုတော် San-E က ပြီးခဲ့တဲ့ စက်တက်ဘာလ ၂၄ ရက်နေ့မှာ တောင်ကိုရီးယားနိုင်ငံ၊ ဆိုးလ်မြို့၊ ဂန်းနမ်းမြို့မှာ အနုပညာရှင်မဟုတ်တဲ့ အသက် ၂ နှစ်ပိုပြီးငယ်တဲ့ကောင်မလေးနဲ့ လက်ထပ်ခဲ့တာဖြစ်ပါတယ်။