ရေခဲခေတ်က မျိုးသုဥ်းပျောက်ကွယ်သွားတဲ့ အမွှေးထူထူ ဆင်ကြီးတွေရဲ့ ရုပ်ကြွင်းတွေကို ဆယ်စုနှစ်နှောင်းပိုင်းမှာ ပြန်လည်တူဖော်တွေ့ရှိတာတွေက ဆက်တိုက်ဆိုသလို ရှိခဲ့ပါတယ်။ အနောက်တိုင်းမှာတော့ ဒီဆင်တွေကို мᴀммoтн လို့ ခေါ်ကြပြီး မျိုးသုဥ်းပျောက်ကွယ်သွားတဲ့ ဆင်မျိုးစိတ်တွေထဲမှာတော့ အထင်းရှားဆုံးလို့ ပြောလို့ ရပါတယ်။ ဘာကြောင့်လဲဆိုတော့ ရှည်လျားတဲ့ အမွှေး ၊ ကြီးမားတဲ့ ခန္ဓာကိုယ် နှင့် အံ့အားသင့်စရာ အစွယ်ကြီးတွေကြောင့် လူသိများခဲ့တာပါ။
အမေရိကန်ပြည်ထောင်စု မီရှိဂန်ပြည်နယ်မှာ мᴀммoтн ဆင်တစ်ကောင်ရဲ့ ရုပ်ကြွင်း တွေ့ရှိခဲ့တဲ့ ဖြစ်ရပ် ရှိခဲ့ပါတယ်။ အဲ့ဒီတုန်းက ဒေသခံလယ်သမား တစ်ဦးဟာ လယ်ကွင်းထဲမှာ ရေကန်လုပ်ဖို့ ဆိုပြီး တွင်းတူးဖော်ရာကနေ အနက် (၈ ပေ ) လောက်အရောက်မှာ ထူးခြားတဲ့ အရာတစ်ခုကို တွေ့ရှိခဲ့ပါတယ်။ ပထမကတော့ အဲ့ဒီအရာက သစ်သားချောင်း (သို့မဟုတ်) သစ်လုံးလို့ သူထင်ခဲ့တာပါ။ နောက်ပိုင်းမှာ တူးရင်းတူးရင်း တိရစ္ဆာန်တစ်ကောင်ရဲ့ ရုပ်ကြွင်းမှန်းသိလိုက်ရပါတယ်။
ရှေးဟောင်းသုတေသနပညာရှင်တွေက လယ်သမားရဲ့ သတင်းပို့ချက်အရ လာရောက်စစ်ဆေးကြည့်တဲ့အခါ အဆိုပါ အရိုးစုဟာ ရေခဲခေတ်က မျိုးသုဥ်းပျောက်ကွယ်သွားတဲ့ мᴀммoтн ဆင်တစ်ကောင်ရဲ့ အရိုးစုဖြစ်နေတာ တွေ့ရပါတယ်။ ပညာရှင်များကတော့ အရိုးစုဟာ နှစ်ပေါင်း ထောင်နဲ့ချီ ရှိနေပြီလို့ ဆိုပါတယ်။
အရင်က အဲ့ဒီနေရာဒေသဟာ мᴀммoтн ဆင်တွေ နှစ်ပေါင်းကြာရှည် ကျက်စားခဲ့ရာ နေရာဖြစ်မယ်ဆိုတာ ဒီအရိုးစုတွေ့ရှိခဲ့တဲ့ အပေါ်မှန်းဆလို့ရပါတယ်။ တူး ဖော်လိုက်တဲ့ အချိန်မှာတော့ အရိုးစုက မပြည့်စုံပါဘူး ။ ကြီးမားပြီး ရှည်လျားတဲ့ အစွယ် နှစ်ချောင်းပါတဲ့ ဦးခေါင်းခွံပဲ တွေ့ရှိခဲ့တာ ဖြစ်ပါတယ်။ အစွယ်ကြီးနှစ်ချောင်းကို ကြည့်ရင် мᴀммoтн ဆင်တွေ ဘယ်လောက်ထိကြီးမားလည်းဆိုတာ သိနိုင်ပါတယ်။
သတင်းအရင်းမြစ်: Source - us.pahilopahilonews
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။