ပြစ်မှုကြောင့် ၇ လကြာပျောက်သွားပြီးနောက်မှာ ဓာတ်ပုံအသစ်တင်ပေးခဲ့တဲ့ အနုပညာရှင်စုံတွဲ

တောင်ကိုရီးယားမင်းသမီး Shin Da Eun နဲ့ သူမရဲ့ ခင်ပွန်းဖြစ်သူ ဒီဇိုင်နာ Im Sung Bin တို့က အရက်မူးပြီးကားမောင်းတဲ့ ပြဿနာဖြစ်ပြီးနောက် ၇ လကြာပျောက်ပြီးနောက်မှာ လက်ရှိပုံရိပ်လေးတင်ပေးလာခဲ့ပါတယ်။ 

ဓာတ်ပုံထဲမှာ Shin Da Eun က မင်းသမီး Ki Eun Se ရဲ့ ၁၀ ကြိမ်မြောက်မင်္ဂလာနှစ်ပတ်လည်အတွက် ဂုဏ်ပြုပေးဖို့ပြင်ဆင်နေတာဖြစ်ပါတယ်။ 

အင်စတာဂရမ် စတိုရီပေါ်မှာလည်း Shin Da Eun က သူမ အမျိုးသားလို့ ယူဆရတဲ့သူနဲ့ လက်ချင်းတွဲရိုက်ထားတဲ့ဓာတ်ပုံလေး တင်ပေးထားပါတယ်။ 

တောင်ကိုရီးယားမင်းသမီး Shin Da Eun ရဲ့ ခင်ပွန်းဖြစ်သူ Im Sung-bin က ဖေဖော်ဝါရီလတုန်းက ဆိုလ်းမြို့ ၊(Yeoksam-dong၊ Gangnam-gu) ၊ ၈ လမ်းမောင်းလမ်းမကြီးပေါ်မှာ ကားမောင်းနေရင်း ဆိုင်ကယ်နဲ့ တိုက်မိမှု ဖြစ်ပွါးခဲ့ပါတယ်။ ယာဉ်မောင်း Im Sung-bin ကို စစ်ဆေးကြည့်တဲ့အချိန်မှာ အရက်သောက်ထားတာကို တွေ့ခဲ့ရတာကြောင့် ၂ မီလီယံဝမ် လျော်ကြေးပေးဆောင်ခဲ့ရပါတယ်။ မတော်တဆမှု ဖြစ်စဉ်နဲ့ ပတ်သတ်ပြီးတော့လည်း Im Sung-bin  က သေသေချာချာလေးတောင်းပန်ခဲ့ပါတယ်။ 

မင်းသမီး Shin Da Eun ကလည်း ခင်ပွန်းဖြစ်သူအမှုဖြစ်ပြီးနောက်မှာ အနုပညာလှုပ်ရှားမှုတွေ အားလုံးကို ရပ်တန့်ခဲ့ပါတယ်။ လူမြင်ကွင်းကနေ အချိန်အတော်ကြာ ပျောက်ကွယ်သွားခဲ့တဲ့ Shin Da Eun  တို့ စုံတွဲရဲ့ လက်ရှိပုံရိပ်ကိုပြန်လည်မြင်တွေ့ခဲ့ရလို့ ပရိသတ်တွေရဲ့ စိတ်ဝင်စားမှုဟာလည်း မြင့်တက်နေခဲ့ပါတယ်။ 

တောင်ကိုရီးယားမင်းသမီး Shin Da Eun နဲ့ ခင်ပွန်းဖြစ်သူ ဒီဇိုင်နာ Im Sung-bin  တို့က ၂၀၁၆ ခုနှစ်မှာ လက်ထပ်ခဲ့တာဖြစ်ပြီး သားဦးလေးတစ်ယောက်ကို ရရှိပိုင်ဆိုင်ထားပါတယ်။