ငါးပူတင်းဟာ မချက်တက်ရင် သေတတ်တယ်ဆိုတာ အားလုံးသိကြမှာပါ။ ဆိုတော့ ငါးပူတင်းအကြောင်းလေးကို ဖတ်ကြည့်လိုက်ရအောင်။

အဆိပ်

ငါးပူတင်း အားလုံးနီးပါးမှာ tetrodotoxin လို့ခေါ်တဲ့ အနံ့အရသာရှိပြီး ငါးတွေကို သေစေတတ်တဲ့အရာတွေ ပါဝင်ပါတယ်။ လူသားများအတွက် tetrodotoxin ဟာ ဆိုင်ယာနိုက်ထက် အဆ 1,200 အထိ အဆိပ်ပြင်းပါတယ်။ အရွယ်ရောက်ပြီးသူ အယောက် 30 ကိုသတ်ရန် လုံလောက်တဲ့ အဆိပ်အတောက်များ ရှိနေပြီး ဖြေဆေးလည်း မရှိပါဘူး။

အစားအစာ

အံ့သြစရာကောင်းတာက အချို့ ငါးပူတင်းရဲ့အသားကို စားဖွယ်အဖြစ် ပြုလုပ်ကြပါတယ်။ ဂျပန်မှာ fugu လို့ခေါ်ပြီး ဒါဟာ အလွန်ဈေးကြီးသလို စားသုံးသူအတွက် အသက်အန္တရာယ်မရှိအောင် သေချာလေ့ကျင့်ထားတဲ့ လိုင်စင်ရစားဖိုမှူးများကသာ ပြင်ဆင်ပေးတတ်ကြပါတယ်။ ဒါကြောင့် ငါးပူတင်းကို ဘယ်လိုကိုင်တွယ် ခုတ်ဖြတ်ရမလဲ ချက်ရမလဲ မသိရင် စားသုံးသူကို သေစေတတ်ပါတယ်။ ဒါပေမယ့်လည်း ဒီလိုသေဆုံးမှုတွေက နှစ်စဉ် အများအပြား ဖြစ်ပွားနေလျက်ပါပဲ။

အရေအတွက်

ကမ္ဘာတစ်ဝှမ်းမှာ ငါးပူတင်း အမျိုးပေါင်း 120 ကျော်ရှိပါတယ်။ အများစုကို အပူပိုင်းနှင့် အပူပိုင်းဒေသ သမုဒ္ဒရာရေများမှာ တွေ့ရပေမယ့်လည်း အချို့မျိုးစိတ်များဟာ သဲသောင်ပြင်နှင့် ရေချိုမှာ‌တောင်နေထိုင်ကြပါတယ်။ သူတို့မှာ ရှည်လျား သွယ်လျတဲ့ ကိုယ်လုံးများ ရှိပါတယ်။ အချို့သူများဟာ သူတို့ရဲ့ အဆိပ်အတောက်ကို ကြော်ငြာဖို့အတွက် တောရိုင်းအမှတ်အသားများနှင့် အရောင်များ ရှိတတ်ကြပြီး အချို့မှာ သူတို့ရဲ့ ပတ်ဝန်းကျင်နဲ့ လိုက်လျောညီထွေရှိစေဖို့ လျှို့ဝှက်နိုင်တဲ့ အရောင်မျာရှိပါတယ်။

အစားအသောက်

ငါးပူတင်းရဲ့ အစားအစာမှာ ကျောရိုးမဲ့များနှင့် ရေညှိများ အများစု ပါဝင်ပါတယ်။

ရှင်သန်ရန် ခြိမ်းခြောက်မှုများ

အချို့ငါးမျိုးစိတ်များဟာ လေထုညစ်ညမ်းမှု၊ နေထိုင်မှုဆုံးရှုံးခြင်းနှင့် ငါးအလွန်အကျွံဖမ်းခြင်းကြောင့် ထိခိုက်နိုင်တယ်လို့ ယူဆ‌ပေမယ့်လည်း လူဦးရေအများစုမှာ တည်ငြိမ်နေတယ်လို့ ယူဆရပါတယ်။ မျိုးသုဉ်းဖို့တော့ မရှိသေးပါဘူး။

သတင်းအရင်းမြစ်: National Geographic

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။