ခင်ပွန်းဖြစ်သူရဲ့အနိုင်ကျင့်နှိပ်စက်ခြင်းကိုရက်ရက်စက်စက် ခံနေရတယ်လို့ဝန်ခံလာတဲ့အဆိုတော်Seo Sa Rang

တောင်ကိုရီးယားအဆိုတော် Seo Sa Rang ဟာဆိုရင် ခင်ပွန်းဖြစ်သူဆီကနေ မကြာခဏ ထိုးကြိတ်ခံခဲ့ရတယ်လို့ ဖွင့်ဟပြောဆိုလာခဲ့ပါတယ်။

Seo Sa Rang ရဲ့ ခင်ပွန်းဖြစ်သူက သူမကို မကြာခဏ ထိုးကြိတ်လေ့ရှိပြီး မျက်နှာတစ်ပြင်လုံး ဒဏ်ရာတွေ အပြည့် ဖြစ်သွားတဲ့အထိ ဖြစ်စေခဲ့တယ်လို့ သိရပါတယ်။ ဒီအချက်အလတ်တွေ အားလုံးကို Seo Sa Rang က တရားရုံးမှာ သက်သေအဖြစ် တင်သွင်းခဲ့တာဖြစ်ပါတယ်။ 

ဒီအကြောင်းအရာကို စက်တင်ဘာလ ၁၈ ရက်နေ့မှာ Seo Sa Rang က Xports News က နေတဆင့် ထုတ်ဖော်ပြောကြားခဲ့တာဖြစ်ပါတယ်။ Seo Sa Rang က ဒဏ်ရာတွေပြည့်နေတဲ့ ဒဏ်ပုံတွေနဲ့ တကွ ချပြလာတာဖြစ်ပြီး သူမရဲ့ ခင်ပွန်းဖြစ်သူက သူမကို ကလေးချီထားရင်းနဲ့တောင် မျက်နှာကိုလက်သီးနဲ့ထိုးကြောင်း ၊ မျက်နှာကို အကြိမ်ကြိမ်ထိုးကြောင်း ၊ အိမ်သာထဲထိဆွဲခေါ်သွားပြီး ဆံပင်တွေ အကုန် ညှပ်ပစ်လိုက်ကြောင်း ဆိုလာခဲ့ပါတယ်။ 

သမီးဖြစ်သူအရှေ့မှာလည်း ဓားထုတ်လာပြီး သတ်တော့မယ် ပုံစံလုပ်ကြောင်း ၊ သမီးလေးပါ ဒဏ်ရာရသွားခဲ့ကြောင်း မျက်နှာတစ်ခုလုံး ဒဏ်ရာအပြည့်နဲ့ ရဲသွားတိုင်ပေမယ့် ရဲတွေဘက်က ဘာဖြေရှင်းချက်မှ မပေးခဲ့ကြောင်း ဆက်လက်ပြောဆိုခဲ့ပါတယ်။ ခင်ပွန်းဖြစ်သူရဲ့ အကြမ်းဖက်မှုတွေကို မခံနိုင်လွန်းလို့ Seo Sa Rang က အိမ်နားက မိုတယ်မှာ နေခဲ့ရကြောင်း ခင်ပွန်းဖြစ်သူက ရစရာမရှိအောင် အနိုင်ကျင့်နှိပ်စက်ပေမယ့်လည်း ကွာရှင်းမပေးကြောင်း ၊ ခင်ပွန်းဖြစ်သူရဲ့ အမျိုးတွေဆီက လည်း အခြိမ်းခြောက်ခံရကြောင်း ၊  သူတို့တွေက ဒူးထောက်တောင်းပန်ပြီး မကွာရှင်းဖို့အထိ ဒူးထောက်ကာ တောင်းပန်ခဲ့ကြကြောင်း ဖွင့်ဟပြောဆိုခဲ့ပါတယ်။ 

Seo Sa Rang ရဲ့ ခင်ပွန်းဖြစ်သူက စီးပွားရေး လုပ်ငန်းရှင်တစ်ယောက်ဖြစ်ပြီး ဇနီးဖြစ်သူ ပြောတဲ့ အချက်အလတ်တွေ အားလုံးကို မဟုတ်ကြောင်း ငြင်းဆန်ခဲ့ပါတယ်။

တောင်ကိုရီးယားအဆိုတော် Seo Sa Rang က ၁၉၉၄ ခုနှစ်မှာ မွေးဖွားခဲ့တာဖြစ်ပြီး နာမည်အရင်းက Kim Yuri ဖြစ်ပါတယ်။ သူမနဲ့ သူမရဲ့ ခင်ပွန်းဖြစ်သူတို့က Tving အစီအစဉ်မှာ ပါဝင်ခဲ့ဖူးခဲ့ကြပါတယ်။သူမရဲ့ သမီးလေးကတော့ ၄ နှစ်အရွယ်ရှိနေပြီပဲဖြစ်ပါတယ်။