တောင်ကိုရီးယားသရုပ်ဆောင် Kim Sung Min ဟာဆိုရင် နာမည်ကြီးပြီးအောင်မြင်မှု ရရှိခဲ့တဲ့ ဇာတ်လမ်းတွဲပေါင်းများစွာမှာ ပါဝင်သရုပ်ဆောင်ဖူးတဲ့သူဖြစ်ပါတယ်။ Kim Sung Min က ၂၀၁၆ ခုနှစ် ၊ ဇွန်လ ၂၄ ရက်နေ့မှာ ကိုယ့်ကိုယ်ကို သေကြောင်းကြံစည်ပြီး ဦးနှောက်သေဆုံးသွားခဲ့ပါတယ်။
![](https://s9.kh1.co/c3/c340cc2adecfd4f9cd1ca8797036809b2c17b4d7.jpeg)
![](https://s9.kh1.co/15/15e9fd96099b48b57116dd37e55df17c903ee3bc.jpeg)
သေကြောင်းကြံစည်ပြီးနောက်မှာ ဦးနှောက် သေဆုံးသွားခဲ့တဲ့ Kim Sung Min အတွက် မိသားစုဝင်တွေကခန္ဓာကိုယ်အစိတ်အပိုင်းဆိုင်ရာ လှူဒါန်းမှုလေးတွေ လုပ်ပေးခဲ့ပါတယ်။ Kim Sung Min ကို ဇွန်လ ၂၄ ရက်နေ့မှာ သူ့ရဲ့ နေအိမ်က ရေချိုးခန်းမှာ သေဆုံးလျက်တွေ့ရှိခဲ့ပါတယ်။
![](https://s9.kh1.co/37/37f974098c35609c1ea6b15dde51c733536dde6d.jpeg)
![](https://s9.kh1.co/dd/dd70778b590561d348c5ec1ee9c617fe91e28f0e.jpeg)
![](https://s9.kh1.co/32/32892f9856b68dd6b98869b174652d399d3c8b6c.jpeg)
Kim Sung Min က ဇနီးဖြစ်သူနဲ့ အချေအတင်ရန်ဖြစ်ပြီးတဲ့နောက်မှာ ကိုယ့်ကိုယ်ကို သေကြောင်းကြံစည်ခဲ့တာဖြစ်ပါတယ်။ Kim Sung Min ရဲ့ ဇနီးဖြစ်သူရဲ့ အဆိုအရတော့ Kim Sung Min က အရက်သောက်ပြီးတဲ့နောက်မှာ သေကြောင်းကြံစည်ဖို့အတွက် မကြာခဏ ပြောလေ့ပြောထရှိတယ်လို့ သိရပါတယ်။ စစ်ဆေးချက်တွေအရလည်း Kim Sung Min က သေဆုံးသွားတဲ့အချိန်မှာ အရက်သောက်ထားတဲ့ လက္ခဏာတွေ ရှိနေတယ်လို့ သိရပါတယ်။
![](https://s9.kh1.co/a3/a321e9a1bc57058f7ffcf17823fa5ddd7e8819b4.jpeg)
![](https://s9.kh1.co/11/115f26c078ec2beb647df5c2d974a93d0bbdeceb.jpeg)
Kim Sung Min က ဦးနှောက်သေသွားတာကြောင့် လုံးဝသေဆုံးသွားတာမျိုး မဟုတ်ပေမယ့် ဦးနှောက်အသက် ပြန်ဝင်ပြီး ပုံမှန်အတိုင်း ဖြစ်လာဖို့ ခက်ခဲတာကြောင့် ခန္ဓာကိုယ်အစိတ်အပိုင်းတွေ အားလုံးကို လှူဒါန်းပေးခဲ့တာဖြစ်တယ်လို့ သိရပါတယ်။
![](https://s9.kh1.co/7e/7e6c47593a03e5bbce93830d4b9c004cecc192b8.jpeg)
တောင်ကိုရီးယားမင်းသား Kim Sung Min က ၂၀၁၆ ခုနှစ်မှာ ဆုံးပါးသွားခဲ့တာဖြစ်တာကြောင့် လူ့လောကမှာ မရှိတော့တာ နှစ်ပေါင်း ၆ နှစ်ကြာသွားခဲ့ပြီပဲ ဖြစ်ပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။