လမစေ့ဘဲမွေးခဲ့တဲ့သားငယ်လေးတစ်ဦး ထပ်မံမွေးစားမယ့် ပရဟိတမင်းသမီးခိုင်နှင်းဝေ

ပရဟိတမင်းသမီး ခိုင်နှင်းဝေဟာဆိုရင် အနယ်နယ် အရပ်ရပ်မှာရှိတဲ့ အုပ်ထိမ်းသူဘက်က တာဝန်မယူနိုင်တဲ့ရင်သွေးလေးများကို တာဝန်ယူစောင့်ရှောက်ပေးနေတဲ့သူဖြစ်ပါတယ်။ 

သားငယ်သမီးငယ်လေးများကို မိဘအရင်းသဖွယ်စောင့်ရှောက်ပေးနေတဲ့ ခိုင်နှင်းဝေက အခုတစ်ခေါက်မှာလည်းမှော်ဘီဘက်က လမစေ့ဘဲမွေးပြီး စွန့်ပစ်ထားတဲ့ သားငယ်လေးတစ်ဦးကို ထပ်မံမွေးစားပေးခဲ့တယ်လို့ သိရပါတယ်။ 

ပရဟိတမင်းသမီးခိုင်နှင်းဝေရဲ့ က သားငယ်လေးကို မွေးစားပေးခဲ့တဲ့အကြောင်းကို သူမရဲ့ လူမှုကွန်ရက်စာမျက်နှာပေါ်မှာ အခုလိုလေး ကြေညာပေးခဲ့ပါတယ်။

“မှော်ဘီဘက်မှ ရက်သား ယောကျာ်းလေး တစ်ယောက်ကို စွန့်ပစ်ထား၍ ကျမတို့ ဂေဟာသို့ လာရောက် ပို့ဆောင်ထားပါတယ်ရှင်...ကလေးက လ မစေ့ပဲ မွေးခြင်းမျိုး ဖြစ်နိုင်ပြီးအာဟာရ ချို့ တဲ့ ကာ (၂) ပေါင် ကျော်ခန့်လောက်ပဲ ရှိပါတယ်...အတော်ပြုစုမွေးရမဲ့ ကလေးလဲ ဖြစ်သလို အသက် တစ်ချောင်း ကယ်တင်နိုင်ဘို့ တတ်နိုင်သလောက်ဂရုစိုက်မွေးသွားမှာ ဖြစ်ပေမဲ့ ကလေးကံက်ိုလဲ အားကိုးရမှာမို့ ကံကောင်းပါစေ  ကျန်းမာပါစေလို့ပဲ ဆုတောင်းရမှာပါပဲရှင်..❤️…”

ကလေးလေးက ၂ ပေါင်ပဲရှိတာဆိုတော့ ပြုစုဖို့အတွက်တော်တော်ကြိုးစားရဦးမှာပါနော်။ မေမေခိုင်နှင်းဝေရဲ့ ပြုစုမှုတွေနဲ့ ကျန်းမာသန်စွမ်းတဲ့ ကလေးလေး ဖြစ်လာဖို့ ဆုတောင်းရင်း အခုအကြောင်းအရာလေးကို ဝေမျှပေးလိုက်ပါတယ်။