ဟောင်ကောင်အဆိုတော်အဖွဲ့ရဲ့MVကိုကူးချထားတယ်လို့ သံသယအဝင်ခံနေရတဲ့BLACKPINKရဲ့ “Shut Down”

Black Pink အဖွဲ့ရဲ့ “Shut Down” MV ဟာဆိုရင် ဟောင်ကောင်အဆိုတော်အဖွဲ့ရဲ့ COLLAR’s “OFF/ON” MV ကိုပုံတူကူးချထားတယ်ဆိုပြီး Netizen တွေရဲ့ သံသယဝင်ခြင်းကို ခံနေရပါတယ်။ BLACKPINK အဖွဲ့ကစက်တင်ဘာလ ၁၆ ရက်နေ့မှာ သူတို့ရဲ့ ဒုတိယမြောက် အယ်လ်ဘမ်“BORN PINK” ကို ထုတ်လုပ်ခဲ့ပြီး အယ်လ်ဘမ်ရဲ့ MV နာမည်က  “Shut Down” ဖြစ်ပါတယ်။ “Shut Down” MV က ထုတ်လွှင့်ပြီးပြီးချင်း ၂၄ နာရီမှာပဲ ကြည့်ရှုသူ သန်း ၅၀ အထိဖြစ်ခဲ့ပြီး နာမည် အရမ်းကြီးခဲ့ပါတယ်။ 

လက်ရှိမှာ Netizen တွေက “Shut Down” MV ဟာ ကောင်ကောင်အဖွဲ့ရဲ့ “OFF/ON” MV ကို ခိုးချထားတယ်ဆိုပြီးစွပ်စွဲပြောဆိုနေကြပါတယ်။ “OFF/ON” သီချင်းထွက်ရှိခဲ့တဲ့ ရက်က “Shut Down” ထက်ပိုပြီး စောတာကြောင့်Netizen တွေက Blackpink က ခိုးယူထားတာလားဆိုပြီး  သံသယဝင်နေကြတာဖြစ်ပါတယ်။ 

တချို့ Netizen တွေဟာဆိုရင် ပုံစံတွေ သွားတူနေတဲ့ အကြောင်းကို ပုံတွေနဲ့တကွ အတူတူနှိုင်းယှဉ်ပြီး ပြသထားကြပါတယ်။ 

Select an imageတချို့ ပရိသတ်တွေကလည်း “Shut Down” က Blackpink ရဲ့ ကိုယ်ပိုင်စတိုင်ဖြစ်ပြီး ကိုယ်တိုင် ရိုက်ကူးထားတဲ့MV တွေကို Reference ယူထားတာကြောင့် သူများဆီက ကူးချတယ်ဆိုတာ လုံးဝ မဖြစ်နိုင်ဘူးလို့ ဆိုကြပါတယ်။BLACKPINK ပရိသတ်တွေကလည်း BLACKPINK အဖွဲ့ရဲ့ သီချင်းတွေက အခြားသီချင်းတွေရဲ့ နမူနာ သီချင်းတွေဖြစ်တာကြောင့် ယေဘုယျအားဖြင့် ပုံစံ သွားတူနေတာဖြစ်ပြီး ပုံတူကူးချခြင်း မဟုတ်ဘူးလို့ ထောက်ပြထားကြပါတယ်။