အိမ်ထောင်သက် ၈ နှစ်ရှိသွားပေမယ့်ခင်ပွန်းဖြစ်သူနဲ့ကြင်စဦးတွေလိုမျိုးအချစ်တွေလက်ဆက်နေတဲ့ ဆိုရီဟျွန်း

တောင်ကိုရီးယားမင်းသမီး ဆိုရီဟျွန်း ဟာဆိုရင် မင်းသား အင်ဂိုဂျင်းနဲ့ ၂၀၁၄ ခုနှစ်မှာ လက်ထပ်ခဲ့ပြီး သာယာပျော်ရွှင်စရာကောင်းတဲ့ အိမ်ထောင်ရေးလေးကို တည်ဆောက်ထားတာဖြစ်ပါတယ်။ သူတို့နှစ်ဦးက ငယ်သူငယ်ချင်းတွေ ဖြစ်ကြပြီး ကျောင်းတစ်ကျောင်းထဲမှာ အတူတူ တက်ခဲ့ကြတဲ့ သူတွေ ဖြစ်ပါတယ်။ 

သူတို့နှစ်ဦးက Aeja’s Older Sister, Minja” နဲ့ “Happy Ending ဇာတ်လမ်းတွဲမှာ အတူတူပါဝင်သရုပ်ဆောင်ခဲ့ပြီးတဲ့နောက်မှာ လက်ထပ်ခဲ့ကြတာဖြစ်ပါတယ်။ တောင်ကိုရီးယားမင်းသား အင်ဂိုဂျင်းက မင်းသမီး ဆိုရီဟျွန်းကို လက်ထပ်ခွင့် အရင်တောင်းခဲ့တာဖြစ်ပါတယ်။ လက်ရှိမှာဆိုရင် ချစ်စရာကောင်းတဲ့ သမီးလေးနှစ်ယောက်တောင် ရရှိပိုင်ဆိုင်နေပြီပဲ ဖြစ်ပါတယ်။ 

လက်ရှိမှာဆိုရင် မင်းသမီး ဆိုရီဟျွန်းနဲ့မင်းသား အင်ဂိုဂျင်းတို့က လက်ထပ်ထားကြတာ ၈ နှစ်တောင်ရှိသွားကြပြီပဲ ဖြစ်ပါတယ်။ လက်ထပ်ထားတာ ၈ နှစ် ကြာသွားပေမယ့်လည်း ဆိုရီဟျွန်းနဲ့အင်ဂိုဂျင်းတို့က လက်ထပ်ခါစ ကြင်စဦးတွေလိုမျိုး ကြည်နူးစရာ ကောင်းနေတုန်းပဲ ဖြစ်ပါတယ်။ မင်းသမီး ဆိုရီဟျွန်းက မကြာသေးမီက သူမနဲ့ခင်ပွန်းဖြစ်သူတို့ အပြင်ကို ပျော်ပျော်ကြီး လျှောက်သွားနေတဲ့ ဓာတ်ပုံလေး တင်ပေးလာပါတယ်။ ဓာတ်ပုံလေးထဲမှာ ကလေးတွေမပါဘဲ ပျော်ရွှင်နေကြတဲ့ သရုပ်ဆောင်နှစ်ဦးက အခုမှ လက်ထပ်ပြီးခါစ ကြင်စဦးလေးတွေလိုမျိုး အရမ်းကို ချစ်ဖို့ကောင်းနေပါတယ်။ 

ကလေး နှစ်ယောက်ရှိသွားပေမယ့်လည်း ချစ်ဖို့ကောင်းနေဆဲ ချောမောလှပနေဆဲ အချစ်တွေ နုပျိုနေဆဲ တောင်ကိုရီးယား အနုပညာရှင် နှစ်ဦးရဲ့ လက်ရှိပုံရိပ်လေးကို ပရိသတ်ကြီးအတွက် ဝေမျှပေးလိုက်ပါတယ်။