တစ်ဦးတည်းသောသားလေးကို တိရစ္ဆာန်ရုံလိုက်ပို့ပေးခဲ့တဲ့ မင်းသမီး ဆန်းမီ

တောင်ကိုရီးယားမင်းသမီး Park Chae Yim ဟာဆိုရင် တစ်နေ့တစ်ခါက နာမည်ကြီးအောင်မြင်ခဲ့တဲ့ ဆည်းဆာရင်ခုန်သံ ဇာတ်လမ်းတွဲနဲ့ ပရိသတ်တွေရဲ့ အားပေးခြင်းကို တခဲနက် ရရှိခဲ့တဲ့သူဖြစ်ပါတယ်။ 

Park Chae Yim ကိုဆည်းဆာရင်ခုန်သံ ဇာတ်လမ်းတွဲနဲ့ မင်းသမီး ဆန်းမီလို့ လူသိများပြီးနောက်မှာ တဟုန်ထိုးအောင်မြင်မှုတွေရရှိခဲ့ပါတယ်။ Park Chae Yim က အိမ်ထောင် နှစ်ဆက် ကျခဲ့ဖူးတဲ့သူဖြစ်ပြီး ဒုတိယ အိမ်ထောင်နဲ့ ကြမှ သားဦးလေးကိုရရှိပိုင်ဆိုင်ခဲ့တာဖြစ်ပါတယ်။ Park Chae Yim ရဲ့ သားလေးက တောင်ကိုရီးယား တရုတ်ကပြားလေး ဖြစ်တာကြောင့် အရမ်းကို ချစ်ဖို့ကောင်းပြီး ပြည့်ပြည့်ဖောင်းဖောင်းလေး ဖြစ်ပါတယ်။ 

Park Chae Yim က သူမရဲ့ အားလပ်ချိန်တိုင်းမှာ သားလေးကို အမြဲလိုလို စောင့်ရှောက်မှု ပေးနေတာဖြစ်ပြီး ပျော်ရွှင်စရာလေးတွေ အမြဲ ဖန်တီးပေးလေ့ရှိတဲ့ မိခင်ကောင်းတစ်ယောက်ဖြစ်ပါတယ်။ အခုတစ်ခေါက်မှာလည်း Park Chae Yim က သူမရဲ့ သားဦးလေးကို တိရစ္ဆာန်ရုံ လိုက်ပို့ပေးနေတဲ့ ပုံလေးတွေ အင်စတာဂရမ် စတိုရီပေါ်မှာ တင်ပေးလာပါတယ်။ ဓာတ်ပုံထဲမှာ Park Chae Yim ရဲ့ သားလေးက ပျော်ပျော်ရွှင်ရွှင်နဲ့ တိလေးတွေကို အစာကျွေးနေပြီး သူငယ်ချင်းတွေနဲ့ ဆော့ကစားနေတာကို ကြည်နူးစရာလေး မြင်တွေ့ရပါတယ်။ 

Park Chae Yim က လက်ရှိမှာ အသက် ၄၃ နှစ်ရှိပြီဖြစ်ပြီး အနုပညာလှုပ်ရှားမှုတွေ အားလုံးကို ရပ်နားထားပါတယ်။ 

Park Chae Yim က ပရိသတ်တွေနဲ့ အဆက်အသွယ် မပျက်စေဖို့အတွက် တစ်နေ့တာ လှုပ်ရှားမှု ပုံရိပ်လေးတွေနဲ့ သားလေးရဲ့ အကြောင်းကို ပရိသတ်တွေဆီကို နေ့စဉ်နေ့တိုင်း ဝေမျှပေးနေတာဖြစ်ပါတယ်။ တစ်ခေတ်တစ်ခါက နာမည်ကြီးပြီး အောင်မြင်မှုတွေ များစွာ ရရှိခဲ့တဲ့ Single Mother Park Chae Yim ရဲ့ အကြောင်းကိုပရိသတ်ကြီးအတွက် ဝေမျှပေးလိုက်ပါတယ်။