သတင်းကောင်းနဲ့သတင်းဆိုး နှစ်ခုတစ်ပြိုင်တည်းကြုံနေရတဲ့ ဟွန်ဘင်းနဲ့ဆွန်ရီဂျင်းတို့စုံတွဲ

တောင်ကိုရီးယား သရုပ်ဆောင်နှစ်ဦးဖြစ်တဲ့ ဟွန်ဘင်းနဲ့ ဆွန်ရီဂျင်းတို့နှစ်ဦးဟာ မင်္ဂလာဆောင် လက်ထပ်ယူထားကြတဲ့ စုံတွဲဖြစ်ပြီး မကြာခင်မှာ မိဘတွေ ဖြစ်လာကြတော့မှာဖြစ်ပါတယ်။

သူတို့နှစ်ဦးက လက်ထပ်ပြီး နောက်မှာလည်း အနုပညာအလုပ်တွေ ဆက်လက်လုပ်ဆောင်နေကြတာပဲဖြစ်ပါတယ်။ မကြာသေးမီအချိန်က ဘင်းဂျင်းစုံတွဲလေးက “Confidential Assignment 2: International” ဇာတ်လမ်းနဲ့ပတ်သက်ပြီး သတင်းကောင်းနဲ့ သတင်းဆိုး နှစ်ခုနဲ့ရင်ဆိုင်ကြုံတွေ့ရပါတယ်။ 

သတင်းကောင်းက “Confidential Assignment 2: International” ဇာတ်လမ်းက ရုံတင်ပြီး ၁၁ ရက်အကြာမှာ ကြည့်ရှုသူ ၄ သန်းကျော်သွားပါတယ်။ 

သတင်းဆိုးကတော့ Confidential Assignment franchise တွေထဲမှာ Confidential Assignment 2 ရဲ့ ရလာဒ်ကထင်ထားသလိုမျိုး မကောင်းနေတာဖြစ်ပါတယ်။ 

အရင်ထွက်ထားတဲ့ ဇာတ်ကားတွေနဲ့ ယှဉ်ရင် အခုတစ်ခေါက် ဇာတ်ကားက ထင်ထားသလောက်အားရဖို့ မကောင်းနေဘဲ စိုးရိမ်စရာအခြေအနေမှာ ရှိနေတယ်လို့ သိရပါတယ်။ အစကောင်းခဲ့ပေမယ့် Confidential Assignment 2  ဇာတ်လမ်းတွဲဟာ ကြည့်ရှုသူ ၇.၈၁ သန်း စံချိန်ကိုကျော်ရန် ခက်ခဲနိုင်တယ်လို့ ခန့်မှန်းထားကြပါတယ်။ 

Confidential Assignment 2  က ဟွန်ဘင်းအနေနဲ့ လက်ထပ်ပြီးမှ ပထမဦးဆုံးရိုက်ထားတဲ့ ဇာတ်လမ်းဖြစ်တာကြောင့် အရေးကြီးတဲ့ ဇာတ်ကားတစ်ကားလို့ဆိုရမှာပါ။ 

မကြာခင်မှာ ကလေးအဖေဖြစ်တော့မယ့် ဟွန်ဘင်းရဲ့ဇာတ်ကား ဒီထက်မက အောင်မြင်မှုတွေ ဆက်ပြီး ရဦးမလားဆိုတာကိုတော့ ဆက်လက်ပြီး စောင့်ကြည့်သွားရဦးမှာဖြစ်ပါတယ်။