သမီးလေးမွေးပြီးမှ ပိုပိုပြီးတစ်သားမွေးတစ်သွေးလှလာတဲ့ Honey Lee

တောင်ကိုရီးယားမင်းသမီး Honey Lee ဟာဆိုရင်  ကလေးမွေးဖွားပြီးတဲ့နောက်မှာ ပိုပြီးတော့ ကျန်းမာသန်စွမ်းပြီးလှပ လာခဲ့ပါတယ်။ မိခင်တစ်ယောက်ဖြစ်လာတဲ့ Honey Lee ရဲ့ ပထမဦးဆုံး ပုံရိပ်လေးက အရမ်းကို ပြည့်စုံပြီးချစ်ဖို့ ကောင်းလွန်းနေပြီး ပရိသတ်တွေအားလုံးကို ကျေနပ်သွားစေပါတယ်။ 

ကလေးမွေးဖွားပြီးနောက် ဓာတ်ပုံလေးတွေကို Honey Lee က စက်တင်ဘာလ ၁၅ ရက်နေ့ နေ့လည်ပိုင်းမှာ မတွေ့ရတာကြာပြီနော် ဆိုတဲ့ စာသားလေးနဲ့ တွဲပြီး တင်ပေးခဲ့တာဖြစ်ပါတယ်။ ချစ်ဖို့ကောင်းတဲ့ ဓာတ်ပုံလေးတွေကိုHoney Lee က  Marie Claire Korea အတွက် ရိုက်ကူးပေးခဲ့တာဖြစ်ပါတယ်။ 

ဓာတ်ပုံထဲမှာ Honey Lee က အိပ်ရာပေါ်မှာ လဲလျောင်းနေပြီး နူးညံ့တဲ့ အပြုံးလေးကို ပြုံးလို့နေပါတယ်။ Honey Lee က ကလေးမွေးဖွားပြီးပြီးချင်းမှာ သေးသွယ်ပိန်ပါးတဲ့ ခန္ဓာကိုယ်လေးကို ပြန်လည်ရရှိခဲ့တာကြောင့် ပရိသတ်တွေက အံ့အားသင့်ခဲ့ကြပါတယ်။ 

တောင်ကိုရီးယားမင်းသမီး Honey Lee က ပြီးခဲ့တဲ့ဒီဇင်ဘာလ တုန်းကအနုပညာရှင်မဟုတ်တဲ့သူနဲ့ လက်ထပ်ခဲ့ပြီး ဇွန်လ ၂၀ ရက်နေ့မှာ ဆိုလ်းမြို့မှာ သမီးဦးလေးကို မွေးဖွားခဲ့ပါတယ်။