သားအဖြစ် မွေးစားခဲ့တဲ့ ဒေဝူးသူဌေးကြီးကို ယုံကြည်မှုအလွဲသုံးစားလုပ်ခဲ့ဖူးတဲ့ Lee Byung-hun

အံ့သြစရာကောင်းပြီး ပြီးပြည့်စုံလွန်တဲ့ သရုပ်ဆောင်မှု စွမ်းရည်တွေကြောင့် လူသိများတဲ့ မင်းသား Lee Byung-hun နဲ့ ဒေဝူးအဖွဲ့ ဥက္ကဌဟောင်း Kim Woo-joong တို့ကြားက ဆက်ဆံရေးကို လူတော်တော်များများက မသိကြပါဘူး။ Channel A ရဲ့ “Rumor Has It” အစီအစဉ်မှာ ဖော်ပြခဲ့တဲ့ အချက်အလတ်တွေအရ ၁၉၉၅ ခုနှစ်တုန်းက Lee Byung-hun ဟာ ဒေဝူးအုပ်စုရဲ့ ဥက္ကဌ ကြီး Kim Woo-joong ရဲ့ မွေးစားသား ဖြစ်ခဲ့တယ်လို့ သိရပါတယ်။ သူတို့နှစ်ဦးသားက ထူးခြားတဲ့ ဆက်ဆံရေးရှိကြပေမယ့် နှစ်ဦးသားရဲ့ ဆက်ဆံရေးကို ဘယ်သူမှ မသိထားကြပါဘူး။ 

ဒေဝူးအုပ်စု ဥက္ကဌဟောင်း Kim Woo-joong နဲ့ မစ္စ Jung Hee-ja တို့မှာ သား ၃ ဦးနဲ့ သမီး ၁ ဦး သွေးသားရင်း ရှိထားပြီးပေမယ့် သားအကြီးဆုံးဖြစ်သူ Kim Seon-jae က အသက် ၂၄ နှစ်အရွယ်မှာ ကားမတော်တဆမှုကြောင့် ဆုံးပါးသွားခဲ့ရပါတယ်။ ဥက္ကဌဟောင်း Kim Woo-joong နဲ့ သူ့ဇနီး Jung Hee-ja တို့ဟာ သူတိုရဲ့သားလေး ရုတ်တရက်သေဆုံးသွားခဲ့ရတဲ့အတွက် အလွန်ဝမ်းနည်းကြေကွဲခဲ့ကြရပါတယ်။ မိခင်ဖြစ်သူ မစ္စ Jeong Hee-ja ဟာဆိုရင် သားဖြစ်သူကို အောင့်မေ့သတိရလွန်းတာကြောင့် Seon-jae Art Center ကြီးကိုတောင် တည်ထောင်ခဲ့တယ်လို့ သိရပါတယ်။ 

သားဖြစ်သူ သေဆုံးပြီး ၄ နှစ်အကြာမှာ မစ္စ Jung Hee-ja က သားဖြစ်သူနဲ့ တူတဲ့ မင်းသား Lee Byung-hun ကို ရုတ်တရက် တီဗီဖန်သားပြင်ပေါ်မှာ တွေ့ရှိခဲ့ရတယ်လို့ သိရပါတယ်။ Lee Byung-hun ကို တွေ့ပြီးပြီးချင်း ခဏ အကြာမှာပဲ မစ္စ Jung Hee-ja  က ဒေဝူး  အီလက်ထရောနစ် ၊  CF ရဲ့ မော်ဒယ်ဟောင်း Yoo In-chon ကို Lee Byung-hun နဲ့ တွေ့ဆုံနိုင်ဖို့ စီစဉ်ခိုင်းခဲ့တယ်လို့ သိရပါတယ်။ 

Lee Byung-hun က စစချင်းမှာ မွေးစားဖို့တောင်းဆိုတဲ့ အကြံပြုချက်ကို အံ့အားသင့်ခဲ့ရပေမယ့် မိခင်တစ်ယောက်ရဲ့ ခံစားချက်ကို စာနာမိသောကြောင့် လက်ခံခဲ့တယ်လို့ သိရပါတယ်။ နောက်ပိုင်းမှာ Lee Byung-hun က ဒေဝူး ကား အမှတ်တံဆိပ်အတွက် မော်ဒယ်အဖြစ်လုပ်ကိုင်ခဲ့ပါတယ်။ ဒေဝူးကုမ္ပဏီမှာ ဝမ် ၅ ဘီလီယံ ငွေကြေး အရှုပ်အရှင်းတစ်ခု ဖြစ်ပွားခဲ့ပြီး နောက်မှာ Lee Byung-hun က အမေရိကားကို ထွက်သွားခဲ့တယ်လို့ သိရပါတယ်။ အပြစ်ကြွေးကြောင့် Lee Byung-hun က ဥက္ကဌဟောင်း ဇနီးမောင်နှံကို ဒူးထောက်ပြီး ဦးညွှတ်ကာ တောင်းပန်စကား ဆိုခဲ့တယ်လို့ သိရပါတယ်။ 

Lee Byung-hun ကသူ ပြုလုပ်ခဲ့တဲ့အပြစ်အတွက် မစ္စJung ကို “ မေမေ .. ကျွန်တော် ကြီးလေးတဲ့ အပြစ်တစ်ခု ကျူးလွန်ခဲ့မိပါတယ်။ ဒုက္ခရောက်စေတဲ့အတွက်တောင်းပန်ပါတယ်။”လို့ ဆိုကာ သေသေချာချာတောင်းပန်ခဲ့ပါတယ်။ 

တောင်ကိုရီးယားမင်းသား Lee Byung-hun က ၂၀၁၉ ခုနှစ် ဒီဇင်ဘာလ ၉ ရက်နေ့မှာ နာတာရှည်ရောဂါကြောင့် ကွယ်လွန်သွားတဲ့ မွေးစားဖခင်ကြီး Kim Woo-joong ရဲ့ အုပ်ဂူကို မကြာခဏ သွားရောက်လေ့ရှိပြီး ခိုင်မြဲတဲ့ ဆက်ဆံရေးကို ဆက်လက် ပျိုးထောင်ထားဆဲ ဖြစ်ပါတယ်။