GOT7 အဖွဲ့ဝင် Jackson Wan ဟာဆိုရင် လတ်တလော တရုတ်ပြည်မှာ နာမည်ကြီးနေတဲ့ ပြည့်တန်ဆာ အမှုထဲမှာပါဝင်ပတ်သက်မိနေတယ်ဆိုတဲ့ ကြီးမားတဲ့ ကောလာဟလနဲ့ ရင်ဆိုင်နေရပါတယ်။
![](https://s9.kh1.co/66/66441ff580a0db8a08478b1fa97c2bdfeb6b1250.jpeg)
ကောလာဟလများရဲ့ အစက တရုတ်မင်းသား Li Yifeng နဲ့ စတင်ခဲ့တာဖြစ်ပါတယ်။ Li Yifeng ကို ပြည့်တန်ဆာလုပ်ငန်းများကို ဖွင့်လှစ်ခဲ့တယ်ဆိုတဲ့ စွပ်စွဲချက်တွေနဲ့ မကြာသေးမီက တရုတ်ရဲတပ်ဖွဲ့တွေက ဖမ်းဆီးခဲ့တာဖြစ်ပါတယ်။
![](https://s9.kh1.co/e8/e8d2a0d75a89507de20ec74daafd74ff554172d6.webp)
Li Yifeng အဖမ်းခံခဲ့ရပြီးတဲ့နောက်မှာ Li Yifeng နဲ့ အလားတူ ပြစ်မှုတွေ ကျူးလွန်ခဲ့တဲ့ နောက်ထပ် အမျိုးသားအနုပညာရှင် ၁၇ ယောက်ရှိသေးတယ်ဆိုတဲ့ သတင်းတွေ ထွက်ခဲ့ပါတယ်။
![](https://s9.kh1.co/db/db9be799c9e8a7bb44c6d461fe44ad5ea41b381f.webp)
အဆိုပါ အမျိုးသားအနုပညာရှင် ၁၇ ယောက်ရဲ့ မျိုးရိုးနာမည်တွေမှာ “W”၊ “C”၊ “H” ၊ “Z” ၊ “W” နှင့် “Q” တွေပါတယ်လို့ သတင်းတွေ ထွက်ရှိနေပြီး W မျိုးရိုးနဲ့ အနုပညာရှင်က Jackson Wan လို့ကောလာဟလတွေထွက်နေတာဖြစ်ပါတယ်။
![](https://s9.kh1.co/f2/f2e701def7c98e611bc449cdc43f193a57cf3c89.jpeg)
![](https://s9.kh1.co/b2/b267b086d49340b2f5ead1c433a11413b0965baf.jpeg)
![](https://s9.kh1.co/5a/5aff421dd62efe959b4fdbceddeeecec5282a9e2.webp)
သံသယများ ၊ ကောလာဟလများနဲ့ အတူ တရုတ်ပြည်က Jackson ရဲ့ ၈ နှစ်ကြာ Fansite ကြီးဖြစ်တဲ့"Wangga0328" ဟာလည်း ပိတ်သိမ်းတော့မယ်လို့ ရုတ်တရက်ကြီး ကြေညာခဲ့ပါတယ်။
![](https://s9.kh1.co/07/0702cb386420351d3efa57bed4d36521daba6dfa.jpeg)
![](https://s9.kh1.co/1f/1fa146ea7b3cd2c4e536e3381f88e77519265c06.webp)
Wangga0328 fansite က မပိတ်သိမ်းခင်မှာ
“မင်းစတင်ခဲ့တဲ့အချိန်တုန်းက အိမ်မက်နဲ့ဝါသနာကို သတိရပြီး အရှက်ကင်းစွာနေထိုင်သွားနိုင်ပါစေ” ဆိုတဲ့စာသားကို တင်ခဲ့တာကြောင့် ပရိသတ်တွေရဲ့ သံသယ ပိုပြီးတိုးနေတာဖြစ်ပါတယ်။
![](https://s9.kh1.co/46/46d85297950feddacf621b9983319eb59728e43c.jpeg)
အဆိုပါ fansite က ၈ နှစ်ကြာ အသက်ဝင်ခဲ့တဲ့ fansite ကြီးဖြစ်ပြီး Weibo မှာ follower ပေါင်း 83,000 နဲ့ Twitter မှာ follower ပေါင်း 141,000 ရှိတဲ့ fansite ကြီးဖြစ်ပါတယ်။ အမာခံ fansite ကြီးတစ်ခုက မသေချာသေးတဲ့ကောလာဟလလေးတစ်ခု ထွက်တဲ့အချိန်မှာ အခုလိုမျိုး ရုတ်တရတ် ကြီး ပိတ်သိမ်းလိုက်တဲ့အတွက်လည်းnetizen တွေက များစွာ အံ့ဩနေကြပါတယ်။
![](https://s9.kh1.co/c2/c2ac8c18c45626a3ef30c993058688a7c1b8e84f.jpeg)
![](https://s9.kh1.co/48/48ec28cacff27db6a86e785cfbbe97b5f61316f5.jpeg)
ထွက်လာတဲ့ ကောလာဟလတွေနဲ့ ပတ်သက်ပြီး Jackson တစ်ယောက် တကယ်ပဲ အရှုပ်တော်ပုံမှာ ပါဝင်နေတာလားဆိုတဲ့ ထင်ကြေး ပေးသူတွေရှိသလို Jackson ကို အကွက်ဆင်ပြီး တမင်သပ်သပ်နာမည်ဖျက်နေတာလို့ ယူဆထားကြတဲ့ သူတွေလည်းရှိပါတယ် ။
Source - Kbizoom
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။