ရိုက်ကူးရေးမှာအကြီးစား မတော်တဆမှုကြီးဖြစ်ပွါးခဲ့တဲ့ The Golden Spoon ဇာတ်လမ်းတွဲ

ဇာတ်ကားမထွက်ခင်မှာပဲ ပရိသတ်တွေရဲ့ စိတ်ဝင်စားမှုများစွာရရှိနေတဲ့ တောင်ကိုရီးယားဇာတ်လမ်းတွဲ The Golden Spoon ဟာဆိုရင် ငွေကုန်ကြေးကျများစွာ အသုံးပြုထားတဲ့ ဇာတ်လမ်းကြီးဖြစ်ပါတယ်။ ဇာတ်ကောင်တွေရော ၊ ရိုက်ကူးရေး အဖွဲ့သားတွေရောများစွာ အပင်ပန်းခံထားတဲ့ The Golden Spoon ဇာတ်လမ်းတွဲရဲ့အဓိကဇာတ်ဆောင် မင်းသမီး Jung Chae Yeon က ရိုက်ကူးရေးလုပ်နေစဉ်အတွင်းမှာ အကြီးစား ထိခိုက်ဒဏ်ရာရရှိသွားတယ်လို့ သိရပါတယ်။ 

အေဂျင်စီရဲ့ ထုတ်ပြန်ချက်အရ မင်းသမီး Jung Chae Yeon က စက်တင်ဘာလ ၁၀ ရက်နေ့ မှာ The Golden Spoon ရိုက်ကူးရေးလုပ်နေရင်း လှေကားပေါ်ကနေ ပြုတ်ကျသွားခဲ့တာလို့ သိရပါတယ်။ လှေကားပေါ်ကနေ ပြုတ်ကျကျချင်းမှာ Jung Chae Yeon က သတိလစ်မေ့မြောသွားခဲ့တယ်လို့လည်း အေဂျင်စီဘက်က ထုတ်ဖော်ပြောကြားထားပါတယ် ။ 

Jung Chae Yeon ပြုတ်ကျသွားသွားချင်းမှာ အရေးပေါ် ဆေးရုံကို ပို့ပေးခဲ့ပြီး X-rays နဲ့  CT scan တွေပါ ရိုက်ကူးပေးခဲ့တယ်လို့ သိရပါတယ်။

ရလာဒ်ကတော့ ရင်ဘက်ညှပ်ရိုး ကျိုးသွားပြီး ခွဲစိတ်မှု ပြုလုပ်ရမယ်လို့ သိရပါတယ်။ Jung Chae Yeon ကို စက်တင်ဘာလ ၁၃ ရက်နေ့မှာ ခွဲစိတ်မှု ပြုလုပ်ပေးသွားမှာဖြစ်ပြီးအရွတ်များထိခိုက်ခဲ့တယ်ဆိုရင်လည်း ထပ်လောင်း ခွဲစိတ်မှုတွေ ပြုလုပ်သွားမှာ ဖြစ်တယ်လို့ သိရပါတယ်။ 

ဇာတ်လမ်းတွဲ မထွက်ခင် ရိုက်ကူးရေးကာလမှာပဲ အကြီးစားထိခိုက်မှုကြီးနဲ့ ရင်ဆိုင်ခဲ့ရတဲ့ အဆိုတော် ၊သရုပ်ဆောင်  Jung Chae Yeon ရဲ့ သတင်းလေးကို စိတ်မကောင်းဖွယ်လေး ဖော်ပြပေးလိုက်ပါတယ်။