လာဘ်ကောင်လေးအလား ဖခင်အတွက်ကံကောင်းမှုတွေ သယ်ဆောင်ပေးလာတဲ့ဟွန်ဘင်းရဲ့ရင်သွေးလေး

တောင်ကိုရီးယားသရုပ်ဆောင် ဟွန်ဘင်းနဲ့ ဆွန်ရီဂျင်းတို့က လက်ထပ်ထားတဲ့ အနုပညာရှင် စုံတွဲလေးဖြစ်ပြီးလက်ရှိမှာ ရင်သွေးဦးလေးကို ရရှိဖို့အတွက် စောင့်မျှော်နေကြတာပဲ ဖြစ်ပါတယ်။ ဟွန်ဘင်းနဲ့ဆွန်ရီဂျင်းတို့ကအိမ်ထောင်ကျသွားပေမယ့်လည်း နာမည် ကျဆင်းသွားခြင်းမရှိဘဲ အနုပညာအလုပ်တွေ ဆက်လက်ပြီးဆောင်ရွက်နေတုန်းပဲ ဖြစ်ပါတယ်။ 

ဟွန်ဘင်းက ကလေးအဖေဖြစ်တော့မယ့်အချိန်မှာ Confidential Assignment 2: International ဇာတ်လမ်းမှာပါဝင်သရုပ်ဆောင်ခဲ့တာဖြစ်ပါတယ်။ Confidential Assignment 2: International ဇာတ်လမ်းက ရုံတင်ပြီးရှိပြီး ၆ရက်အကြာမှာပဲ ကြည့်ရှုသူ ၃ သန်းအထိ ရရှိခဲ့ပါတယ်။ 

အောင်မြင်မှုက “Confidential Assignment (2017)” ဇာတ်လမ်း ထက် ၂ ဆ အထိ ရရှိပြီး စံချိန်သစ်ကို ချိုးနိုင်ခဲ့တယ်လို့ သိရပါတယ်။ 

Confidential Assignment 2: International ဇာတ်လမ်းက ဟွန်ဘင်းအတွက် မိန်းမရရှိပြီးရိုက်ကူးထားတဲ့ ဇာတ်လမ်းဖြစ်တာကြောင့် ပရိသတ်တွေက ဟွန်ဘွန်းရဲ့ သားလေးက ကံကောင်းတဲ့ ကလေးလေးဆိုပြီး ပြောထားကြပါတယ်။