လေဆိပ်ဖက်ရှင်ပါ ဆင်တူဖြစ်နေတာကြောင့် သံသယအဝင်ခံနေရတဲ့ဆောင်းဟေကိုနဲ့လီမင်ဟို

မကြာသေးမီက တောင်ကိုရီးယားနာမည်ကြီး သရုပ်ဆောင် နှစ်ဦးဖြစ်တဲ့ လီမင်ဟိုနဲ့ဆောင်းဟေကို တို့ကို အမေရိကန်နိုင်ငံ ၊ နယူးယောက်မြို့မှာ ကျင်းပပြုလုပ်တဲ့ Fendi event မှာ အတူတူတွဲပြီးတွေ့ခဲ့ရပါတယ်။ သူတို့ နှစ်ဦးကအချင်းချင်း ရင်းနှိီးနေတဲ့ ပုံစံမျိုး ရှိနေပြီး လူမြင်ကွင်းမှာ တရားဝင် တွဲပြီးထိုင်နေကြတာဖြစ်ပါတယ်။ 

ဒါ့အပြင် လီမင်ဟိုနဲ့ဆောင်းဟေကိုတို့ နှစ်ဦးက အမေရိကန်နိုင်ငံ၊ နယူးယောက်မြို့ကို လေဆိပ်တစ်ခုတည်းကနေတစ်ချိန်တည်း သွားခဲ့ကြတယ်လို့ သိရပါတယ်။ 

သူတို့ နှစ်ဦးကို အင်ချွန်းလေဆိပ်မှာ ရှေ့ဆင့်နောက်ဆင့် တွေ့ခဲ့ရပြီး ဝတ်ထားတဲ့ ဖက်ရှင်တွေက အစ တူညီနေတယ်လို့ netizen တွေက ဖော်ပြထားပါတယ်။ 

ဆောင်းဟေကိုက အနက်ရောင် အပေါ်ဝတ်အင်္ကျီလေးနဲ့ ဘေ့စ်ဘောဦးထုပ်လေးကို ဆောင်းထားပါတယ်။ လီမင်ဟိုဟာဆိုရင်လည်း အနက်ရောင် သားရေသား အပေါ်ဝတ်လေးနဲ့ လက်ဆွဲအိတ်လေးကို ကိုင်ထားပါတယ်။ နှစ်ဦးလုံးရဲ့ ဖက်ရှင်က all black ဖြစ်နေပြီး couple ဖက်ရှင်လိုမျိုးဖြစ်နေတာကြောင့် သတင်းဌာနတွေကြားမှာ အကြီးမားဆုံး သတင်းခေါင်းစဉ် ကြီး ဖြစ်နေပါတယ်။

တောင်ကိုရီးယား နာမည်ကြီး သရုပ်ဆောင် နှစ်ဦးဖြစ်ကြတဲ့ လီမင်ဟိုနဲ့ဆောင်းဟေကိုတို့က ၂၅ နှစ်ပြည့် Fendi  Baguette Show အခမ်းအနားအတွက် နယူးယောက်မြို့ကို အတူတူသွားခဲ့ကြတာဖြစ်ပါတယ်။  လေဆိပ် ဖက်ရှင်တွေကအစ တူညီနေတာကြောင့် ပရိသတ်တွေကြားမှာ တွဲနေကြပြီလားဆိုပြီး စိတ်ဝင်စားမှု မြင့်တက်နေတာဖြစ်ပါတယ်။ 

လီမင်ဟိုရဲ့ အသက်က ၃၅ နှစ်ရှိနေပြီဖြစ်ပြီး ဆောင်းဟေကိုကတော့ ၄၀ နှစ်ပြည့်သွားပြီပဲဖြစ်ပါတယ်။ 

သူတို့နှစ်ဦးက အသက် ၅ နှစ်တိတိငယ်တာကြောင့် မလိုက်ဖက်ဘူး တွဲနေတာ မဖြစ်နိုင်ဘူး ဆိုပြီးပြောနေကြတဲ့သူတွရှိသလို တကယ်တွဲရင်လည်း လိုက်ဖက်တယ်လို့ဆိုကာ သဘောတူနေကြတဲ့သူတွေလည်းရှိပါတယ်။