ချစ်ရတဲ့မိသားစုအတွက် တန်ဖိုးမြင့်အိမ်ကြီးတွေ လက်ဆောင်ပေးခဲ့တဲ့လူပျိုကြီးမင်းသား နှစ်ယောက်

တောင်ကိုရီးယားနာမည်ကြီး မင်းသားနှစ်ယောက်ဖြစ်တဲ့ Kang Dong-won နဲ့ Jo In-sung တို့ဟာ သူတို့မိသားစုတွေအတွက် တန်ဖိုးမြင့် အိမ်ကြီးတွေကို လက်ဆောင်ပေးခဲ့တယ်လို့ သိရပါတယ်။ ဒီအကြောင်းအရာကို စက်တင်ဘာလ ၈ ရက်နေ့မှာ ထုတ်လွှင့်ခဲ့တဲ့ KBS 2TV ရဲ့ Entertainment Weekly အစီအစဉ်မှာ ထုတ်ဖော်ပြသခဲ့တာဖြစ်ပါတယ်။ Kang Dong-won နဲ့ Jo In-sung တို့က သူတို့ မိသားစုဝင်တွေအတွက် အကြီးမားဆုံး လက်ဆောင်ကြီးတွေ ပေးခဲ့ကြတဲ့ အနုပညာရှင်စာရင်းမှာ နံပါတ် ၈ နေရာမှာ ရပ်တည်နေပါတယ်။ 

Kang Dong-won

Kang Dong-won က ၂၀၀၉ ခုနှစ်မှာ သူ့ရဲ့ မိသားစုအတွက် မွေးရပ်မြေမှာပဲ တောင်ကိုရီးယားဝမ် ၁.၂ သန်းတန် အိမ်ကြီးကို ဝယ်ယူပေးခဲ့တယ်လို့ သိရပါတယ်။ အိမ်ကြီးရဲ့ မြေညီထပ်မှာ ဆက်ဆိုဖုန်း (ကြေးလေမှုတ်တူရိယာတစ်မျိုး) မှုတ်ရတာကြိုက်တဲ့ ဖခင်ကြီးအတွက် သီးသန် ပြင်ဆင်ပေးထားတယ်လို့ သိရပါတယ်။ Kang Dong-won  ကသူ့ရဲ့ ညီမဖြစ်သူအတွက် ပထမထပ်နဲ့ဒုတိယထပ်မှာ ကော်ဖီဆိုင်လေး တစ်ဆိုင် ဖွင့်ပေးထားတယ်လို့ သိရပြီး ကော်ဖီဆိုင်အတွက်လိုအပ်တဲ့ ပရိဘောဂ တွေကိုလည်း သူကိုယ်တိုင် ဖန်တီးပြုလုပ်ထားတယ်လို့ သိရပါတယ်။ 

Jo In-sung

တောင်ကိုရီးယားမင်းသား Jo In-sung ဟာဆိုရင်လည်း သူ့ရဲ့မိသားစုအတွက် နှစ်လုံးကြီးတောင်း ဝယ်ပေးထားတယ်လို့ သိရပါတယ်။ Jo In-sung ရဲ့ ညီလေးကလည်း Jo In-sung အီထယ်ဝန်မှာ ဝယ်ထားတဲ့ အိမ်ကြီးရဲ့ ပထမထပ်မှာကော်ဖီဆိုင်လေး ဖွင့်ထားတယ်လို့ သိရပါတယ်။ အိမ်ခြံမြေကျွမ်းကျင်သူတွေရဲ့ အဆိုအရ အဆောက်အအုံကြီးရဲ့ တန်ဖိုးက ၂၀၂၁ ခုနှစ်မှာ ၇ ဘီလီယံလောက်အထိ ရှိတယ်လို့ သိရပါတယ်။ 

Jo In-sung က ၂၀၁၇ ခုနှစ်တုန်းကလည်း တောင်ကိုရီးယား အမြင့်ဆုံးတာဝါကြီးမှာ ၄.၅ ဘီလီယံတန်ဖိုးကြီးတဲ့ အိမ်ကြီးတစ်အိမ် ဝယ်ယူခဲ့တယ်လို့ သိရပါတယ်။ Jo In-sung က ဂျယ်ဂျူကျွန်းမှာလည်း သူ့ရဲ့ မိသားစုအတွက် ဒုတိယမြောက်အိမ်ကြီးကို ဝယ်ပေးခဲ့သေးတယ်လို့ သိရပါတယ်။

အောင်မြင်ပြီးတဲ့နောက်မှာ မိသားစုတွေကို ပြန်ကြည့်ကြတဲ့ နာမည်ကြီးတောင်ကိုရီးယား မင်းသားကြီး Kang Dong-won နဲ့ Jo In-sung တို့ဟာ လက်ရှိအချိန်အထိ အိမ်ထောင် မပြုရသေးဘဲ တစ်ကိုယ်တည်း ဘဝနဲ့ ဖြတ်သန်းနေကြတုန်းပဲ ဖြစ်ပါတယ်။