ဒဏ်ရာ ရရှိထားတဲ့ Han So Hwee ရဲ့ လက်ရှိအခြေအနေ

တောင်ကိုရီးယားမင်းသမီး Han So Hwee ဟာဆိုရင် မကြာသေးမီက ရိုက်ကူးရေးလုပ်ရင်း ဒဏ်ရာ ရရှိထားတာဖြစ်ပါတယ်။ Han So Hwee က လက်ရှိမှာ ဒဏ်ရာတွေကနေပြီး သက်သာသွားပေမယ့် မျက်လုံးထောင့်နားမှာပွန်းပဲ့ဒဏ်ရာ အနည်းငယ် ကျန်နေသေးတယ်လို့ သိရပါတယ်။ 

Han So Hwee က ဒဏ်ရာအခြေအနေပေါ်ကို မူတည်ပြီး နောက်အပတ်လောက်မှာ ရိုက်ကူးရေးကို ဆက်လုပ်သွားမယ်လို့ သိရပါတယ်။ Han So Hwee ဒဏ်ရာကနေ သက်သာသွားပြီဖြစ်တဲ့အကြောင်းကို 9ato Entertainment ကအခုလို ထုတ်ပြန်ထားတာဖြစ်ပါတယ်။

9ato Entertainment က Han So Hwee ရဲ့ 'Gyeongseong Creature' ရိုက်ကူးရေးကို ဆက်ပြီး ပြုလုပ်သွားဖို့အတွက် စီစဉ်ထားခဲ့တာဖြစ်ကြောင်း ၊ Han So Hwee ရဲ့ လက်ရှိအခြေအနေက သက်သာလာပြီဖြစ်ကြောင်း ၊ကံကောင်းထောက်မစွာနဲ့ပဲ ဒဏ်ရာရခဲ့စဉ်ကတည်းက ခွဲစိတ်မှု တစ်ခုမှ မပြုလုပ်ရသေးကြောင်း ၊ ဒါပေမယ့်လည်းမျက်လုံးထောင့်နားမှာ ပွန်းပဲ့ဒဏ်ရာတွေ ရှိနေသေးကြောင်း စတဲ့ အသိပေးမှုလေးတွေပြုလုပ်ခဲ့ပါတယ်။

 တောင်ကိုရီးယားမင်းသမီး Han So Hwee က မကြာခင်မှာ ထုတ်လွှင့်တော့မယ့် 'Gyeongseong Creature' ဇာတ်လမ်းတွဲရိုက်ကူးအပြီးမှာ ဒဏ်ရာရရှိခဲ့တာ ဖြစ်ပါတယ်။