ခမ်းနားတဲ့ အိမ်ကြီးမှာအမွှာသမီးလေးနှစ်ယောက်နဲ့အတူ ပျော်ရွှင်စွာ ကစားနေတဲ့ Song Yuri

တောင်ကိုရီးယားမင်းသမီး Song Yuri ဟာဆိုရင် ၂၀၁၇ ခုနှစ်မှာ ခင်ပွန်းဖြစ်သူနဲ့ လက်ထပ်ခဲ့တဲ့သူဖြစ်ပါတယ်။Song Yuri က ပြီးခဲ့တဲ့ ဇန်နဝါရီလမှာ အမွှာသမီးလေးနှစ်ယောက်ကို ဖွားမြင်ခဲ့ပြီး မိခင်ကောင်းတစ်ယောက်အဖြစ်နေထိုင်လျက်ရှိပါတယ်။ လက်ရှိမှာဆိုရင် Song Yuri ရဲ့ အမွှာသမီးလေး နှစ်ယောက်က ၈ လသားအရွယ်ရှိနေပြီပဲဖြစ်ပါတယ်။

မကြာသေးမီက Song Yuri က သူမရဲ့ အင်စတာဂရမ် စတိုရီလေးပေါ်မှာ ဆပ်ပြာပူဖောင်းလေးတွေနဲ့ ဆော့ကစားနေတဲ့ ဗီဒီယိုလေး တင်ခဲ့ပါတယ်။

 ဗီဒီယိုလေးထဲမှာ လူမတွေ့ရပေမယ့် Song Yuri တစ်ယောက် သူမနဲ့ အမွှာသမီးလေးတွေနဲ့ ဆော့ကစားနေတယ်ဆိုတာ လုံးဝကို ပေါ်လွင်ပါတယ်။ အိမ်အကျယ်ကြီးမှာ လေပူဖောင်းလေးတွေ နဲ့ပျော်ရွှင်စွာ ဆော့ကစားနေတဲ့ Song Yuri တို့ သားအမိတွေရဲ့ဗီဒီယိုလေးကို အောက်မှာ ဝင်ကြည့်နိုင်ပါတယ်။ 

တောင်ကိုရီးယားမင်းသမီး Song Yuri က ပရော်ဖက်ရှင်နယ် ဂေါက်ရိုက် ကစားသမားဟောင်း Ahn Sung Hyun နဲ့၂၀၁၇ ခုနှစ်မှာ လက်ထပ်ပြီး အမွှာသမီးလေး နှစ်ယောက်ကို ဖွားမြင်ခဲ့ပါတယ်။ 

Song Yuri က သရုပ်ဆောင်တစ်ယောက်ဖြစ်ရုံသာမက Fin.K.L ရဲ့ အဖွဲ့ဝင်တစ်ယောက်လည်း ဖြစ်ပါတယ်။ သူမက လက်ရှိမှာ KBS 2TV ရဲ့ dating reality show ဖြစ်တဲ့ Love Recall မှာ အစီအစဉ်တင်ဆက်သူ တစ်ယောက်အဖြစ် ပါဝင်လျှက်ရှိပါတယ်။