ကမ္ဘောဒီးယားတော်ဝင်မင်းသမီးလေး Jenna Norodom ဟာဆိုရင် တော်ဝင်မျိုးရိုးကနေ ဆင်းသက်လာတဲ့သူတစ်ယောက်ဆိုပေမယ့် အနုပညာအလုပ်တွေကို တစ်ဖက်ကမ်းခပ်ဝါသနာပါတဲ့သူဖြစ်ပါတယ်။
တော်ဝင်မင်းသမီးလေး Jenna Norodom က အသက်၉ နှစ်သာရှိသေးပေမယ့် TikTok ဆယ်လီတစ်ယောက် ဖြစ်ရုံသာမက ဖော်လိုဝါတွေများစွာ ပိုင်ဆိုင်ထားတဲ့ Facebook နာမည်ကြီးတစ်ယောက်လည်း ဖြစ်ပါတယ်။ Jenna Norodom လေးက Blackpink အဖွဲ့ဝင် Lisa နဲ့တူတယ်ဆိုပြီး နာမည်ကြီးနေတဲ့ သူလေးလည်း ဖြစ်ပါတယ်။
Jenna Norodom ရဲ့ အဖေက ပြင်သစ်လူမျိုးတစ်ယောက်ဖြစ်ပြီးအမေက ကမ္ဘောဒီးယားမင်းသမီး Norodom Buphary ဖြစ်ပါတယ်။Jenna Norodom က ပြင်သစ် ၊ ခမာ ၊ ထိုင်း ၊တရုတ် နဲ့ အင်္ဂလိပ်ဘာသာစကား၅ မျိုးကို ကျွမ်းကျင်စွာ ပြောဆိုနိုင်တဲ့သူလေး ဖြစ်ပါတယ်။
Jenna Norodom လေးက တော်ဝင်မင်းသမီးလေးတစ်ပါး ဖြစ်ရုံသာမက အဆို ၊ အက ၊ သရုပ်ဆောင်အရည်အချင်းတွေပါ ရှိနေတဲ့ သူလေးဖြစ်တာကြောင့် ကမ္ဘာတစ်ဝှမ်းက ပရိသတ်တွေက သူမကို အရမ်းချစ်ကြပါတယ်။ ဒါတင်မကသေးပါဘူး။
Jenna Norodom လေးက ကမ္ဘောဒီးယားနိုင်ငံအတွက်လည်း အဖိုးတန်ရတနာလေး ဖြစ်ပါတယ်။
Jenna Norodom က အသက် ၃ နှစ်အရွယ်မှာကတည်းက အနုပညာလောကထဲကို စတင်ရောက်ရှိနေသူလေးဖြစ်ပါတယ်။ Jenna Norodom လေးက Miss Preteen 2022 ရဲ့ Second Winner ဆုရှင်တစ်ယောက်လည်း ဖြစ်ပါတယ်။
မင်းသမီးလေး Jenna Norodom ရဲ့ သီချင်း ဗီဒီယိုလေးတွေကို လူမှုကွန်ရက်စာမျက်နှာတွေဖြစ်တဲ့ YouTube မှာသာမက Facebook ပေါ်မှာလည်း ပေါပေါများများဝင်ရောက်ကြည်ရှုနိုင်ပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
