လက်ထပ်ပြီး ၆ နှစ်အကြာမှာ ပထမဦးဆုံး ရင်သွေးလေးပိုင်ဆိုင်ရတော့မယ့် Eric

တောင်ကိုရီးယား နာမည်ကြီး အဆိုတော် ၊ သရုပ်ဆောင် တစ်ယောက်ဖြစ်တဲ့ Eric ဟာဆိုရင် ယမန်နေ့ သြဂုတ်လ၂၃ ရက်နေ့က ပရိသတ်တွေကို အံ့ဩဖို့ကောင်းတဲ့ သတင်းကောင်းတစ်ခု ပါးလိုက်ပြီပဲ ဖြစ်ပါတယ်။

 အဆိုပါသတင်းလေးကတော့ Eric က မကြာခင်မှာ ကလေး အဖေ ဖြစ်တော့မယ်ဆိုတဲ့ သတင်းလေးပဲဖြစ်ပါတယ်။ Eric နဲ့သူ့ရဲ့ ဇနီးဖြစ်သူတို့က လက်ထပ်ထားတာ ၆ နှစ်ကြာသွားပြီဖြစ်ပေမယ့် ရင်သွေးလေးကိုတော့ အခုမှ ရရှိပိုင်ဆိုင်ကြမှာ ဖြစ်ပါတယ်။ 

Eric က သရုပ်ဆောင်တစ်ယောက်ဖြစ်သလို တောင်ကိုရီးယား ယောကျာ်းလေးများအဆိုတော်အဖွဲ Shinhwa ရဲ့အဖွဲ့ဝင်တစ်ယောက်လည်း ဖြစ်ပါတယ်။ Eric နဲ့ သူ့ကောင်မလေးတို့က အသက် ၁၂ နှစ် တိတိ ကွာပြီး ၅ နှစ်ကြာတွဲပြီးတဲ့နောက် ၂၀၁၇ ခုနှစ်မှာ လက်ထပ်ခဲ့ကြတာဖြစ်ပါတယ်။ Eric နဲ့ Na Hye Mi တို့က သူတို့ရဲ့ မင်္ဂလာပွဲကို ဆိုးလ်မြို့မှာရှိတဲ့ Church ကျောင်းမှာပဲ အကျဉ်းချုံး ကျင်းပခဲ့ကြတာဖြစ်ပါတယ်။ 

လက်ထပ်ပြီး ၆ နှစ်အကြာမှာတော့ Eric က မကြာခင်မှာ ပထမဦးဆုံး ရင်သွေးလေးကို ရရှိပိုင်ဆိုင်တော့မှာဖြစ်ကြောင်း ပရိသတ်တွေကို သတင်းကောင်းလေး ပါးပေးခဲ့ပါတယ်။ 

ဂုဏ်ယူပါတယ်နော် Eric ရေ … ရင်သွေးလေးကို ကျန်းကျန်းမာမာနဲ့ ရရှိပိုင်ဆိုင်ပြီး သာယာပြည့်စုံတဲ့ မိသားစုလေးကို ပိုင်ဆိုင်နိုင်ဖို့အတွက်ဆုတောင်းပေးလိုက်ပါတယ်နော်။