နှုတ်ခမ်းနီမလေးတွေရဲ့ အသည်းစွဲဖြစ်တဲ့တောင်ကိုရီးယားမင်းသား Lee Ki Woo ကတော့ မကြာသေးမီ အချိန်က ပရိသတ်တွေဆီကို သတင်းကောင်းလေးတွေ ဝေမျှပေးလာခဲ့ပါတယ်။ Lee Ki Woo က အသက်၄၀ နှစ်အရွယ်ရှိပြီဖြစ်ပြီး တစ်ခါမှ လက်မထပ်ရသေးတဲ့သူဖြစ်ပါတယ်။ Lee Ki Woo ရဲ့ လူပျိုကြီးဘဝကတော့ စက်တင်ဘာလမှာ အဆုံးသတ်တော့မှာပဲဖြစ်ပါတယ်။ Lee Ki Woo က အနုပညာထဲကမဟုတ်တဲ့ ချစ်ရသူလေးနဲ့ မင်္ဂလာပွဲကို ဂျယ်ဂျူကျွန်းမှာ ကျင်းပသွားမယ်လို့ သိရပြီး မင်္ဂလာပွဲကို မိသားစုဝင်တွေ ၊ လုပ်ဖောက်ကိုင်ဖက်တွေနဲ့ ရင်းနှီးတဲ့ မိတ်ဆွေတွေနဲ့သာ ကျင်းပသွားမှာဖြစ်တယ်လို့ သိရပါတယ်။
![](https://s9.kh1.co/cf/cf70a251208f335d1280e4f8d757c9c715621957.jpeg)
![](https://s9.kh1.co/ea/ea3c83d8a7c746291dab8613c9717c6c4429df51.jpeg)
![](https://s9.kh1.co/0c/0cdd8b7dc751fb2e5093cf497061dfc032013611.jpeg)
သတို့သမီးလေးက Lee Ki Woo ထက်ပိုပြီးငယ်တယ်လို့ သိရပြီး အရမ်းချောတဲ့သူလေးလို့ သိရပါတယ်။ မင်္ဂလာပွဲကို ခန်းနားကြီးကျယ်စွာ ကျင်းပတော့မယ်ဆိုတဲ့ အကြောင်းကို Lee Ki Woo က သူ့ရဲ့ အင်စတာဂရမ်စာမျက်နှာပေါ်မှာလည်း အသိပေးကြေညာထားပါတယ်။
![](https://s9.kh1.co/f0/f07755938437c28b968043004ac37d6528daba7a.jpeg)
![](https://s9.kh1.co/0e/0e1cbcb75b62fd97f48410dad0631a783bb62eee.jpeg)
တောင်ကိုရီးယားမင်းသား Lee Ki Woo က ၂၀၀၃ ခုနှစ်မှာ သရုပ်ဆောင်အဖြစ် စတင်ပွဲဦးထွက်လာခဲ့တဲ့သူဖြစ်ပြီး ရုပ်ရှင်ဇာတ်လမ်းတွဲပေါင်းများစွာမှာ ပါဝင်သရုပ်ဆောင်ဖူးတဲ့သူဖြစ်ပါတယ်။ Lee Ki Woo က မင်းသမီး Lee Cheong Ah နဲ့ ၆ နှစ်ကြာတွဲပြီးတဲ့နောက်မှာ လမ်းခွဲခဲ့ပါသေးတယ်။
![](https://s9.kh1.co/aa/aa68abdec40e87b32dfc6e499cbc28438461c4ce.jpeg)
မကြာခင်မှာ လူပျိုကြီးဘဝကနေ ကျွတ်ပြီး ချစ်ရသူလေးနဲ့ လက်ထပ်တော့မယ့် တောင်ကိုရီးယား မင်းသား Lee Ki Woo ရဲ့ အကြောင်းကို ပရိသတ်ကြီးအတွက် ဝေမျှပေးလိုက်ပါတယ်။
![](https://s9.kh1.co/b9/b93989bbd77b80e48876d8ac203f27b9861eb8cc.jpeg)
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။