တောင်ကိုရီးယားမင်းသမီး Jang Nara ဟာဆိုရင် လက်ထပ်ပြီးတဲ့နောက်မှာ ကုသိုလ်ကောင်းမှုလေးတွေ အဆက်မပျက်လုပ်နေခဲ့ပါတယ်။ ယမန်နေ့ သြဂုတ်လ ၂၂ ရက်နေ့မှာလည်း Jang Nara က လေလွင့်ခွေးလေးတွေကိုကိုယ်တိုင်ကိုယ်ကျ စေတနာ့ဝန်ထမ်းအဖြစ် တာဝန်ယူပြီး အစာကျွေးခဲ့ပါတယ်။
Jang Nara က Go Back Couple ဇာတ်လမ်းတွဲမှာ အတူတူပါဝင်သရုပ်ဆောင်ခဲ့တဲ့ Han Bo Reum နဲ့ Jo Hye Jung တို့နဲ့အတူ စေတနာ့ဝန်ထမ်းအဖြစ် တာဝန်ယူဆောင်ရွက်ခဲ့တာဖြစ်ပါတယ်။
ဩဂုတ်လ ၂၁ ရက်နေ့မှာ ဆိုးလ်းမြို့ရဲ့ အပူချိန်က ၃၃ ဒီဂရီ ဆဲလ်ဆီးယက်စ် အထိ ရှိပါတယ်။ ပူလောင်နေတဲ့ရာသီဥတုမှာတောင် Jang Nara နဲ့ အခြား စေတနာ့ဝန်ထမ်းတွေက အလုပ်ကို ကြိုးစားပမ်းစားလုပ်ပြီး ခွေးလေးတွေကို ကုသိုလ်ကောင်းမှုတွေ ပြုလုပ်ပေးခဲ့တာဖြစ်ပါတယ်။
Jang Nara က The Beagle Rescue Network မှာ ကူညီမှုလေးတွေ ဆောင်ရွက်ပေးခဲ့တာဖြစ်ပြီး အလှူအတန်းကိုအပေါ်ယံမဟုတ်ဘဲ ကိုယ်တိုက်ကိုယ်ကျ လုပ်အားနဲ့ တာဝန်ယူဆောင်ရွက်ပေးခဲ့တာဖြစ်ပါတယ်။ Jang Nara ကလိုအပ်နေတဲ့ သူတွေအတွက် ၁၃ ဘီလီယံကိုလည်းလှူဒါန်းပေးခဲ့ပါသေးတယ်။ မကြာသေးမီက Jang Nara ကသူမထက် ၆ နှစ်ငယ်တဲ့ cinematographer နဲ့ ခမ်းနားတဲ့ မင်္ဂလာပွဲလေး ကျင်းပပြုလုပ်ခဲ့ပါသေးတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
