တောင်ကိုရီးယားမင်းသမီး Son Ye Jin ဟာဆိုရင် ကိုယ်ဝန်ရှိနေစဉ် သူမရဲ့ ပထမဦးဆုံး ပုံရိပ်လေးကို ပရိသတ်တွေဆီ ချပြလာခဲ့ပါတယ်။ Son Ye Jin က ပရိသတ်တွေ့စုံပွဲကို တောင်ကိုရီးယား အွန်လိုင်း Forum ဖြစ်တဲ့ theqoo ကနေတစ်ဆင့် ကျင်းပပြုလုပ်ခဲ့တာဖြစ်ပါတယ်။
ပရိသတ်တွေ့ဆုံပွဲကို အင်ဒိုနီးရှားနိုင်ငံမှာရှိတဲ့ Nutriville အမှတ်တံဆိပ်ကနေ တာဝန်ယူ ပြုလုပ်ခဲ့တာဖြစ်ပြီး Son Ye Jin က အွန်လိုင်းကနေတဆင့် ပရိသတ်တွေနဲ့ တွေ့ဆုံခဲ့တာဖြစ်ပါတယ်။
ပရိသတ်တွေ့ဆုံပွဲမှာ Son Ye Jin က ရင်သွေးလေးကို လွယ်ထားပြီး ဆံပင်လေးကိုလည်း ညှပ်ထားပါတယ်။ပရိသတ်တွေနဲ့ တွေ့ဆုံနေစဉ်မှာ Son Ye Jin က ရယ်မောပြုံးရွှင်နေပြီး လက်ကလေး ဝှေ့ကာ ပရိသတ်တွေကိုနှုတ်ဆက်နေပါတယ်။
မင်္ဂလာပါလို့ ပြောလိုက်တဲ့အချိန်မှာလည်းမမ Son Ye Jin က ပြုံးပျော်ရွှင်ပြီး မင်္ဂလာပါလို့ ပြန်ပြောပါတယ်။ ဗိုက်ကလေးကိုတော့ Son Ye Jin က မသိမသာလေး ပန်းလေးတွေနဲ့ ဖုံးထားပါတယ်။
ပရိသတ်တွေ့ဆုံပွဲကို တက်ရောက်ခဲ့ကြတဲ့သူတွေက ပုံရိပ်လေးတွေကို လူမှုကွန်ရက် စာမျက်နှာတွေပေါ်ကနေတဆင့် ပြန်လည်ဝေမျှခဲ့ပါတယ်။
တောင်ကိုရီးယားမင်းသမီး Son Ye Jin နဲ့ သူမရဲ့ ချစ်သူ မင်းသား Hyun Bin တို့က ၂၀၂၂ခုနှစ် မတ်လ ၃၁ ရက်နေ့မှာ လက်ထပ်ခဲ့ကြပြီး ပထမဦးဆုံး ရင်သွေးလေးကို အခု နှစ်အတွင်း မွေးသွားမှာ ဖြစ်တယ် လို့ သိရပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
