လူသိရှင်ကြားလက်ကိုင်ပြီးသွားနေတာကြောင့် တွဲနေပြီလို့ သတင်းတွေထွက်နေတဲ့ အိုင်လ်ဒေါ

တောင်ကိုရီးယား နာမည်ကြီး တစ်ဦးဖြစ်တဲ့ Winner အဖွဲ့ဝင် Kang Seung-yoon ဟာဆိုရင် ကောင်မလေးတစ်ယောက်နဲ့ တွဲနေကြပြီဆိုတဲ့ သတင်းတွေ မကြာသေးမီက ထွက်ရှိလာခဲ့ပါတယ်။ သတင်းထွက်ရှိလာခဲ့တဲ့ အကြောင်းအရင်းကတော့ ဓာတ်ပုံတွေကြောင့် ဖြစ်ပါတယ်။ ထွက်ရှိလာတဲ့ ဓာတ်ပုံတွေထဲမှာ Kang Seung-yoon က ကောင်မလေးတစ်ယောက်ကို လက်ကိုင်ပြီး လမ်းမထက်မှာ လျှောက်သွားနေတာဖြစ်ပါတယ်။ ဒီဓာတ်ပုံတွေကို တွေ့ရှိခဲ့တဲ့ Netizen တစ်ယောက်က ဓာတ်ပုံရိုက်ပြီး လူမှုကွန်ရက်စာမျက်နှာပေါ်မှာ ဝေမျှပေးခဲ့တာဖြစ်ပါတယ်။

ဓာတ်ပုံထဲမှာ Kang Seung-yoon က အပြာရောင်ဂျက်ကတ်အင်္ကျီလေးနဲ့ ဦးထုပ်လေးဆောင်းထားပါတယ်။ သူ့ဘေးနားက ကောင်မလေးကလည်း အပြာရောင် ဝတ်စုံလေးကို ဝတ်ထားပါတယ်။ သိရှိသူတွေရဲ့ အဆိုအရ Kang Seung-yoon  ဘေးက လက်ကိုင်ထားတဲ့ ကောင်မလေးက တက်သစ်စမင်းသမီးလေး တစ်ယောက်ဖြစ်တယ်လို့သိရပါတယ်။  ချစ်ဖို့ကောင်းတဲ့ စုံတွဲလေးက ပရိသတ်တွေအားလုံးကို အံ့အားသင့်သွားစေပြီး အချိန်တစ်ခဏသာအတွင်းမှာ ကြည်နူးပျော်ရွှင်သွားစေခဲ့ပါတယ်။

လက်ရှိအချိန်အထိ YG အင်တာတိန်းမန့်ဘက်ကနေ သူတို့နှစ်ဦး တွဲနေကြတယ်ဆိုတဲ့ သတင်းနဲ့ ပတ်သတ်ပြီး အကြောင်းတစ်စုံတစ်ရာ ထုတ်ပြန်ထားခြင်း မရှိသေးပါဘူး။