ပထမဦးဆုံးရင်သွေးလေး မွေးပြီး ၂ လအကြာမှာ သတင်းကောင်းလေးတစ်ခု ထပ်ယူလာတဲ့ Park Shin Hye နဲ့ Choi Tae Joon

တောင်ကိုရီးယားမင်းသား Choi Tae Joon နဲ့ Park Shin Hye တို့ဟာ ကလေး မွေးဖွားပြီး ၂ လ အကြာမှာ လှူဒါန်းမှုလေးတစ်ခု လုပ်ဆောင်ခဲ့ပါတယ်။ အဆိုပါ လှူဒါန်းမှုအတွက် Choi Tae Joon က  “Public Diplomacy, Move Your Heart” အစီအစဉ်အတွက် အသံသွင်းခြင်း တစ်ပြားတစ်ချပ်မှ မယူဘဲ လှူဒါန်းခဲ့တာဖြစ်ပါတယ်။

မှတ်တမ်းရုပ်ရှင်အတွက် Choi Tae Joon က တောင်ကိုရီးယား စစ်ပွဲတုန်းက အီသီယိုးပီးယား စစ်ပြန်များဆီကိုအထိ သွားရောက်လည်ပတ်ခဲ့ပြီး ဓာတ်ပုံရိုက်ကူးခဲ့ပါတယ်။ ဗီယက်နမ်နိုင်ငံမှာရှိတဲ့ မဖွံ့ဖြိုးသေးတဲ့ နေရာတွေကို အထိ ကူညီမှုတွေ လုပ်ဆောင်ပေးခဲ့တဲ့ Choi Tae Joon ဟာ ရင်သွေးလေး မွေးဖွားပြီးနောက်မှာ အဓိပ္ပါယ်ရှိလှတဲ့ လှူဒါန်းမှုတွေ လုပ်ဆောင်ခဲ့တာဖြစ်ပါတယ်။

တောင်ကိုရီးယားမင်းသမီး Park Shin Hye နဲ့ မင်းသား Choi Tae Joon တို့က ပြီးခဲ့တဲ့ ဇန်နဝါရီလမှာ လက်ထပ်ခဲ့တာဖြစ်ပါတယ်။ သူတို့နှစ်ဦးက ChungAng တက္ကသိုလ် ၊ ပြဇာတ်ဌာနက စီနီယာနဲ့ ဂျူနီယာတို့ ဖြစ်ကြပြီး ၂၀၁၇ နှစ်ကတည်းက ချစ်ကြိုက်ခဲ့ကြတာဖြစ်ပါတယ်။ သူတို့နှစ်ဦးတွဲနေပြီဖြစ်တဲ့အကြောင်းကို ၂၀၁၈ ခုနှစ်မှ ကြေညာခဲ့တာဖြစ်ပါတယ်။

သူတို့စုံတွဲလေး လက်ထပ်ခဲ့စဉ်က အားပေးခဲ့ကြတဲ့ ပရိသတ်တွေ အများကြီးရှိခဲ့ပြီး ရင်သွေးလေး မွေးဖွားခဲ့စဉ်တုန်းကလည်း ဂုဏ်ပြုပေးခဲ့ကြတဲ့ သူတွေ အများကြီးပဲ ဖြစ်ပါတယ်။

အခုအလှူလေးက ပထမဦးဆုံးသားလေးမွေးပြီးနောက်မှာ Choi Tae Joon ရဲ့ ပထမဦးဆုံး အလှူလေးလည်းဖြစ်ပါတယ်။

Choi Tae Joon နဲ့ Park Shin Hye တို့က ဝါသနာတူ ၊ ဘာသာတူ ၊ အလှူအတန်း ရက်ရောတဲ့ စုံတွဲလေးဖြစ်ပြီး သူငယ်ချင်းဆက်ဆံရေးကနေ ချစ်ကြိုက်ခဲ့ကြတာ ဖြစ်တာကြောင့် သူတို့ နှစ်ဦးရဲ့ သံယောဇဉ်က အရမ်းကိုခိုင်မြဲပါတယ်။ ချစ်စရာ အလှူလေးကို မွန်မြတ်တဲ့ ဒါနနဲ့ လုပ်ဆောင်ခဲ့ကြတဲ့ တောင်ကိုရီးယားသရုပ်ဆောင် စုံတွဲ နှစ်ဦးအကြောင်းကို ပရိသတ်ကြီးအတွက် ဝေမျှပေးလိုက်ပါတယ်။