ပူပြင်းလှတဲ့နွေရာသီမှာနွေအပူကို အံတုပြီး အလုပ်ကြိုးစားနေတဲ့မမ လီဆောင်းဦး

တောင်ကိုရီးယားမင်းသမီး Kim Hyun Joo ဟာဆိုရင် ၁၉၉၆ ခုနှစ်ကတည်းက အနုပညာလှုပ်ရှားမှုတွေ လုပ်ဆောင်နေတဲ့သူဖြစ်ပြီ လက်ရှိအချိန်အထိလည်း နာမည်ကျဆင်းသွားခြင်းမရှိဘဲ အနုပညာလမ်းကြောင်းထက်ဆီမှာ ရှိနေတုန်းပဲ ဖြစ်ပါတယ်။

Kim Hyun-joo ခေါင်းဆောင်မင်းသမီးအဖြစ် ပါဝင်သရုပ်ဆောင်ခဲ့တဲ့ ဇာတ်လမ်းတွဲတွေထဲမှာ အအောင်မြင်ဆုံး ဇာတ်လမ်းတွဲတွေက Glass Slippers (2002) ၊ Toji, the Land (2004) ၊ Twinkle Twinkle (2011) ၊ What Happens to My Family? (2014) နဲ့ I Have a Lover (2015) ဇာတ်လမ်းတွဲတွေ ဖြစ်ပါတယ်။

Kim Hyun-joo  ရဲ့ နောက်ပိုင်း ဇာတ်လမ်းတွဲတွေက ဇာတ်လမ်း ၊ ဇာတ်အိမ်မကောင်းတာကြောင့် ပရိသတ်တွေ ရင်ထဲကို သိပ်မရောက်ခဲ့ပေမယ့်လည်း ဒါရိုက်တာတွေ နဲ့ ပရိုဂျူဆာတွေကတော့ Kim Hyun-joo ရဲ့ သရုပ်ဆောင်ပိုင်းကို ကြိုက်နေကြတုန်းပဲ ဖြစ်ပါတယ်။

ဒါကြောင့် သူမရဲ့ ဇာတ်လမ်းတွဲတွေက သိပ်ပြီး မအောင်မြင်ခဲ့ပေမယ့် Kim Hyun-joo ရဲ့ ဇာတ်လမ်းတွေက ထပ်ပြီး ထွက်ရှိနေတုန်းပဲ ဖြစ်ပါတယ်။ Kim Hyun-joo ပူပူနွေးနွေး ပါဝင်သရုပ်ဆောင်ထားတဲ့ ဇာတ်လမ်းတွဲတွေက ၂၀၂၁ ခုနှစ်မှာ Undercover နဲ့ Hellbound ဖြစ်ပြီး ၂၀၂၂ ခုနှစ်မှာ Love All Play နဲ့ Trolley ဇာတ်လမ်းတို့ ဖြစ်ပါတယ်။

Trolley က လက်ရှိမှာ ရိုက်ကူးနေဆဲပဲ ဖြစ်ပါတယ်။ မကြာသေးမီက ပရိသတ်တွေရဲ့ fansite တစ်ခုကနေပြီး မမ Kim Hyun-joo နေပူပူထဲမှာ ဇာတ်လမ်းတွဲ ရိုက်ကူးနေတဲ့ ပုံရိပ်လေးကို ဝေမျှပေးလာခဲ့ပါတယ်။ ဓာတ်ပုံလေးထဲမှာ ဆံပင်တိုတိုလေးနဲ့ ပေါ့ပါးနေတဲ့ Kim Hyun-joo က လက်ကိုင်ပန်ကာလေးကို ကိုင်ပြီး ပူပြင်းတဲ့နွေရာသီကို အံတုနေတာဖြစ်ပါတယ်။

Kim Hyun-joo က လက်ရှိမှာ အသက် ၄၅ နှစ်အရွယ်ရှိနေပြီဖြစ်ပေမယ့် ငယ်ရွယ်နုပျိုနေတုန်းပဲ ဖြစ်ပါတယ်။ အနုပညာလှုပ်ရှားမှုတွေကို မနားတမ်းဆောင်ရွက်လျက်ရှိတဲ့ တစ်ချိန်က လီဆောင်းဦးခေါ် ဂွီဒေါက်မင်းသမီး Kim Hyun-joo ရဲ့ အလုပ်ကြိုးစားနေတဲ့ ပုံရိပ်လေးကို ပရိသတ်ကြီးအတွက် ဝေမျှပေးလိုက်ပါတယ်။