အသက် ၄၀ ကျော်အရွယ်မှာ လက်ထပ်သွားပြီဖြစ်တဲ့ တောင်ကိုရီးယား မင်းသမီး Lee In-hye

တောင်ကိုရီးယားမင်းသမီး Lee In-hye ဟာဆိုရင် သူမထက်အသက် ၁ နှစ်ငယ်တဲ့ သွားဆရာဝန်လေးနဲ့ ဒီကနေ့ဩဂုတ်လ ၆ ရက်နေ့မှာ မင်္ဂလာပွဲ ကျင်းပသွားမှာ ဖြစ်ပါတယ်။ သတို့သားက နာမည်ကြီးမဟုတ်တာကြောင့်မင်္ဂလာအခမ်းအနားကို မိသားစုဝင်တွေ ၊ ဆွေမျိုးသားချင်းတွေနဲ့ ရင်းနှီးတဲ့ လုပ်ဖော်ကိုင်ဖက်တွေနဲ့သာအကျဉ်းချုံး ကျင်းပသွားမှာလို့ သိရပါတယ်။ Lee In-hye ရဲ့အသက်က ၄၁ နှစ်ဖြစ်ပြီး သူမ သတို့သားရဲ့ အသက်ကတော့ ၄၀ နှစ်ဖြစ်ပါတယ်။ 

Lee In-hye က သူမ မင်္ဂလာဆောင်တော့မယ့်အကြောင်းကို သတို့သမီး ဝတ်စုံဓာတ်ပုံလေးတွေနဲ့ ကြိုတင်အသိပေးခဲ့တာဖြစ်ပြီး ဒီနေ့မှ မင်္ဂလာဆောင် အခမ်းအနားကို အကောင်အထည်ဖော် ကျင်းပ ခဲ့ကြတာဖြစ်ပါတယ်။ 

ပြီးခဲ့တဲ့ လ ၂၈ ရက်နေ့တုန်း ကလည်း Lee In-hye က  အင်စတာဂရမ်စာမျက်နှာပေါ်မှာ သူမရဲ့မင်္ဂလာပွဲကို ဂုဏ်ပြုပေးကြလို့ ကျေးဇူးတင်ကြောင်း ၊ မင်္ဂလာပွဲကို လူစေ့အကုန် မဖတ်ကြားနိုင်တဲ့အတွက်လည်း အရမ်းကိုစိတ်မကောင်းဖြစ်မိကြောင်း ၊ အဖိတ်မခံရတဲ့ သူတွေရှိရင်လည်း နားလည်ပေးကြဖို့ တောင်းဆိုလိုကြောင်း အသိပေးခဲ့ပါတယ်။ 

တောင်ကိုရီးယားမင်းသမီး Lee In-hye က Graceful Friends ၊ I Am the Mother Too ၊ My Fair Lady စတဲ့ဇာတ်လမ်းတွဲတွေနဲ့ ပရိသတ်တွေရဲ့ အားပေးမှု တခဲနက်ရရှိခဲ့တဲ့သူဖြစ်ပါတယ်။ 

Lee In-hye က မင်းသမီးတစ်ယောက်ဖြစ်ရုံသာမက ပရော်ဖက်ဆာတစ်ယောက်လည်း ဖြစ်ပါတယ်။ သူမကလက်ရှိမှာ Golden Spoon ဇာတ်လမ်းတွဲကို ရိုက်ကူးနေတာ ဖြစ်ပါတယ်။