တောင်ကိုရီးယား ရက်ပါ Beenzino နဲ့ သူ့ရဲ့ချစ်သူ ဂျာမနီ မော်ဒယ် Stefanie Michova တို့ဟာ သူတို့ရဲ့ မင်္ဂလာပွဲအတွက် လက်မှတ်ရေးထိုးခဲ့ကြတဲ့အကြောင်းကို မကြာသေးမီက အသိပေးခဲ့ပါတယ် ။ သြဂုတ်လ ၅ ရက်နေ့တုန်းက တောင်ကိုရီးယား ရက်ပါအဆိုတော် Beenzino က သူ့ရဲ့ လူမှုကွန်ရက် အင်စတာဂရမ် စာမျက်နှာပေါ်ကနေ ဓာတ်ပုံတွေ အများကြီးတင်ပြီး အရေးကြီးတဲ့ ကြေညာချက်ကို ပြုလုပ်ခဲ့တာဖြစ်ပါတယ်။ ဓာတ်ပုံတွေနဲ့အတူ Beenzino က သူ့ရဲ့ကောင်မလေး Stefanie Michova နဲ့ Yongsan District Office မှာ မင်္ဂလာလက်မှတ်ကို လျို့ဝှက် ရေးထိုးခဲ့တာလို့ ထုတ်ဖော်ပြောကြားခဲ့ပါတယ်။
Beenzino ဝေမျှခဲ့တဲ့ ပထမဦးဆုံး ဓာတ်ပုံမှာ Beenzino နဲ့အတူ သူ့ရဲ့ ဂျာမနီချစ်သူကောင်မလေး Stefanie Michova ကို အတူမြင်တွေ့ရပါတယ်။
ဓာတ်ပုံထဲမှာ Stefanie Michova က အဖြူရောင်ဂါဝန်လေးကို ဝတ်ထားပြီး မင်္ဂလာပန်းစီးလေးကိုင်ကာ Beenzino ရဲ့လက်ကို ကိုင်ထားပါတယ်။ Beenzino ကလည်း သူ့ရဲ့ ဘယ်ဘက်ရင်ဘက် ရှပ်အင်္ကျီ အိတ်ကတ်ထဲမှာ ပန်းစည်းလေးထိုးထားပါတယ်။ သူတို့နှစ်ဦးသားက အရမ်းကို ကြည်နူးပျော်ရွှင်နေကြပြီး ဓာတ်ပုံတိုင်းမှာလည်း အပြုံးလေးတွေ မပျက်ကြပါဘူး။
Beenzino က Stefanie Michova နဲ့ ၂၀၁၅ ခုနှစ်ကတည်းက တွဲနေခဲ့ကြတာဖြစ်ပြီး အခုနှစ် အစောပိုင်းမှာ လက်ထပ်ခွင့် တောင်းခဲ့တာဖြစ်ပါတယ်။ ပျော်ရွှင်စွာ လက်ထပ်သွားခဲ့ကြပြီဖြစ်တဲ့ တောင်ကိုရီးယား ရက်ပါအဆိုတော် Beenzino နဲ့ ဂျာမနီမော်ဒယ်မလေး Stefanie Michova ရဲ့ အကြောင်းကို ပရိသတ်ကြီး အတွက် ဝေမျှပေးလိုက်ပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
