ချစ်စရာသားငယ်လေးနဲ့အတူ ကစားကွင်းသွားနေတဲ့ ပုံလေး ဝေမျှပေးလာတဲ့ Park Chae-rim

ဆည်းဆာရင်ခုန်သံဇာတ်လမ်းတွဲထဲမှာ ကင်ဆန်းမီ အဖြစ် ပရိသတ်တွေအားပေးမှု တခဲနက်ရရှိခဲ့တဲ့ Park Chae Rim ဟာဆိုရင် သူမရဲ့ သားလေးနဲ့ အတူ Single Mother အဖြစ် ရပ်တည်နေတဲ့ မင်းသမီးဖြစ်ပါတယ်။ Park Chae Rim က တရုတ်မင်းသား ခင်ပွန်းဖြစ်သူနဲ့ အတူ တရုတ်ပြည်မှာနေထိုင် ခဲ့တာဖြစ်ပြီး ကွာရှင်းပြီးနောက်မှာ ကိုရီးယားကို ပြန်လာခဲ့တာဖြစ်ပါတယ်။ 

Park Chae-rim က သူမရဲ့သားလေးကို အရမ်းချစ်တဲ့သူဖြစ်ပြီး အမေတစ်ခု သားတစ်ခု ဘဝလေးနဲ့ ပျော်ရွှင်စွာနေထိုင်နေတာဖြစ်ပါတယ်။ သားလေးနဲ့အတူ နေ့စဉ်လှုပ်ရှားမှု ဘဝ အကြောင်းလေးတွေကို လူမှုကွန်ရက်စာမျက်နှာပေါ်မှာ အမြဲလိုလို တင်ပေးရှိတဲ့ Park Chae-rim က အခုတစ်ခေါက်မှာလည်း သူမရဲ့သားလေးနဲ့အတူကစားကွင်းရောက်နေတဲ့ ပုံရိပ်လေးတွေကို လူမှုကွန်ရက်စာမျက်နှာပေါ်မှာ တင်ပေးလာပါတယ်။ 

ဓာတ်ပုံလေးထဲမှာ လွတ်လပ်ပျော်ရွှင်စွာနဲ့ အမြင့်ဒန်းစီးနေတဲ့ Park Chae-rim ရဲ့ သားလေးကိုတွေ့ရပါတယ်။Mask တပ်ထားတယ်ဆိုပေမယ့် Mask ရဲ့အောက်မှာ လွတ်လပ်စွာ ရယ်မောနေတဲ့ Park Chae-rim သားလေးရဲ့အပြုံးလေးတွေကို မြင်တွေ့ရပါတယ်။ 

Park Chae-rim က ၁၉၉၄ ခုနှစ်ကတည်းက ပွဲဦးထွက်ခဲ့တဲ့သူဖြစ်ပြီး လက်ရှိမှာ အသက် ၄၃ နှစ်အရွယ်ရှိနေပြီပဲဖြစ်ပါတယ်။  သူမသားလေးရဲ့အသက်ကတော့ ၅ နှစ်ရှိနေပါပြီ။   Park Chae-rim  က လက်ရှိမှာတော့ အနုပညာလှုပ်ရှားမှုတွေကနေ အနားယူထားပါတယ်။