ဘာကြောင့် လွတ်လပ်ရေး မရခင်ကာလ ဇာတ်ကားများ နေထူးနိုင်ရိုက်ရသလဲ…?

“မွေးကတည်းကမိုက်တဲ့သူ” ဇာတ်ကားကို ရေနံချောင်းမှာလည်းကောင်း “အသည်းတစ်သောင်းပိုင်ရှင်” ဇာတ်ကားကို ချင်းပြည်နယ်မှာလည်းကောင်းပုံဖော်ရိုက်ကူးသလို ဗီဒီယို ပရိသတ်ပေါင်းများစွာအားပေးတဲ့ အနုပညာရှင် နေထူးနိုင်က ဘာကြောင့် လွတ်လပ်ရေးမတိုင်ခင် ခေတ်ကာလဇာတ်ကားတွေကို ရိုက်ကူးမှုနဲ့ပတ်သက်ပြီး ရည်ရွယ်ချက်ကောင်းထားရှိကာရိုက်ကူးနေခြင်းဖြစ်ကြောင်း အခုလို ပြောကြားခဲ့ပါတယ်။

“ကျွန်တော် လွတ်လပ်ရေး မရသေးတဲ့ ကားတွေရိုက်တာ ရည်ရွယ်ချက်ရှိတယ်။ ကျွန်တော်တို့တတွေဟိုးကတည်းက မစည်းရုံးလို့ သူ့ကျွန်ဘဝကိုရောက်ခဲ့တယ်။ ဒါကိုကြောက်လို့ပြန်ရိုက်ခဲ့တာ။အဓိက က စည်းလုံးညီညွှတ်စေချင်တာ။အမှန်က ဒီကားတွေက ပိုပင်ပန်းတယ်။မြင်းပေါ်ကကျ၊ယမ်းတွေမိုင်းတွေကြား ပြေးနဲ့ အရမ်းပင်ပန်းတယ်။ယမ်းတွေ မိုင်းတွေ မြင်းတွေကြောင့် ကန်းသွား၊ ထိုင်းသွား၊ ကျိုးသွားသူ အများကြီးရှိတယ်။” လို့ လွတ်လပ်ရေးမရခင် ဇာတ်ကားတွေ ရိုက်ကူးမှုအပေါ် အနုပညာရှင် နေထူးနိုင်က Beauty မဂ္ဂဇင်းကို အခုလိုပဲပြောကြားခဲ့ပါတယ်။

ရုပ်ရှင်ဇာတ်ကားတွေရိုက်ကူးမှုနဲ့ပတ်သက်ပြီးမင်းသားနေထူးနိုင်က “ရုပ်ရှင်ကတော့ကျွန်တော့ ဇာတ်ကောင်နဲ့လိုက်မှ ရိုက်တယ်။လှတောသား ပုံစံနဲ့ တစ်ကားရိုက်ထားတယ်၊တခြားတော့ မရိုက်ဖြစ်ဘူး၊ကျွန်တော့ကို ကျွန်တော့ပရိသတ်တွေ ကြည့်ချင်တဲ့ ပုံစံရှိတယ်၊ပရိသတ်ေတွေ မြင်စေချင်တဲ့အတိုင်း ရိုက်ရမှ ရိုက်ပါမယ်၊ကိုယ်တိုင်စိတ်ကြိုက်ဇာတ်ကိုလည်း စုထားပါတယ်။အခုအချိန်အထိ အားပေးချစ်ခင်တဲ့ ပရိသတ်တွေကို ကျေးဇူးတင်ပါတယ်”လို့ဆိုထားပါတယ်။

Aung

သတင်းအရင်းမြစ် Beauty မဂ္ဂဇင်း