မင်္ဂလာပွဲမတိုင်ခင်မှာ ကိုယ်ဝန်ရှိသွားပြီဖြစ်ကြောင်း အသိပေးလာတဲ့ တောင်ကိုရီးယားမင်းသမီး

တောင်ကိုရီးယားမင်းသမီး Lee Yena ဟာဆိုရင် မင်္ဂလာပွဲ မကျင်းပခင်မှာပဲ ကိုယ်ဝန်ရှိသွားပြီဖြစ်တဲ့အကြောင်းကိုဝေမျှပေးလာခဲ့ပါတယ်။ Yena နဲ့ သူမရဲ့ ခင်ပွန်းလောင်းဖြစ်သူ ဘိုးလင်း ကစားသမားတို့က စေ့စပ်ရုံသာ စေ့စပ်ထားကြပြီး လက်မထပ်ကြရသေးပါဘူး။ 

ဒီအကြောင်းကို Lee Yena က သူမရဲ့ အင်စတာဂရမ်စာမျက်နှာပေါ်မှာ ဇူလိုင်လ ၃၀ ရက်နေ့က “တန်ဖိုးရှိတဲ့ ဘဝလေးက မင်္ဂလာပွဲ မကျင်းပခင်မှာ အရင်ရောက်လာခဲ့တယ် .. “  ဆိုတဲ့ စာသားလေးနဲ့အတူ ဓာတ်ပုံလေးတစ်ပုံနဲ့ တွဲပြီး တင်ပေးလာတာဖြစ်ပါတယ်။ 

ဓာတ်ပုံလေးထဲမှာ သန္ဓေသား ရဲ့ အာထရာဆောင်း ပုံလေးကို ရှင်းရှင်းလင်းလင်း တွေ့ရပြီး ကိုယ်ဝန်စမ်းတဲ့ကိရိယာထဲမှာ နှစ်ကြောင်း ပေါ်နေတာပါ ပြသထားပါတယ်။ 

တစ်ရက်တည်းမှာပဲ Yena က သူမ ခင်ပွန်းလောင်းဖြစ်သူရဲ့ အင်စတာဂရမ် အကောင့်ကို Tag တွဲပြီး အဖေဖြစ်လာတဲ့အတွက် ဂုဏ်ယူကြောင်း စာသားလေး တင်ခဲ့ပါတယ်။ 

Yena က သူမရဲ့ မင်္ဂလာပွဲကို အောက်တိုဘာလ ၂၉ ရက်နေ့မှာ ကျင်းပသွားမှာ ဖြစ်တဲ့ အတွက် ကောင်းချီးပေးကြပါဦးလို့ ပရိသတ်တွေကို တောင်းဆိုခဲ့ပါသေးတယ်။ 

Yena မှာ ကိုယ်ဝန်ရှိနေပြီဆိုတဲ့ သတင်းတွေ ပြန့်နှံ့လာတာနဲ့ တစ်ပြိုင်နက် ပရိသတ်တွေက ဇနီးမောင်နှံနှစ်ဦးကိုဂုဏ်ပြုပေးခဲ့ကြပါတယ်။

Lee Yena ဟာ ၂၀၀၄ ခုနှစ်မှာ အနုပညာလောကထဲကို စတင်ဝင်ရောက်ခဲ့တဲ့သူဖြစ်ပြီး “Angel's Last Mission: Love”၊ “The Rich Son” နှင့် “Circle: Two Worlds Connected” ဇာတ်လမ်းတွဲများတွင် ပါဝင်သရုပ်ဆောင်ခဲ့တဲ့သူဖြစ်ပါတယ်။ ၂၀၁၉ ခုနှစ်မှာလည်း  Mnet ရဲ့ reality show ဖြစ်တဲ့ “Somebody 2” တွင်ပါဝင် ခဲ့ပါသေးတယ်။ 

ဂုဏ်ယူပါတယ် ကောင်မလေးရေ .. မင်္ဂလာပွဲမှာလည်း ဗိုက်လုံးလုံးလေးနဲ့ အတူ အလှဆုံး လေးဖြစ်နေပေးပါနော်။