K-pop အိုင်ဒေါတစ်ယောက်အဖြစ် အမိမြေမှာ ဖျော်ဖြေချင်တယ်လို့ပြောလာတဲ့ ဆုနဒီစိုး

တောင်ကိုးရီးယား K-pop အဖွဲ့ Rumble G ရဲ့ အဖွဲ့ခေါင်းဆောင် ဖြစ်တဲ့ DiDi (ခေါ် ) ဆုနဒီစိုးဟာ မြန်မာလူမျိုးစစ်စစ် တစ်ယောက်ဖြစ်ပါတယ်။ ဆုနဒီစိုးဟာ မြန်မာပြည်မှာ TOPIK စာမေးပွဲဖြေဆိုအောင်မြင်ရင်း ကိုရီးယားနိုင်ငံကို ရောက်ရှိသွားသူလေး ဖြစ်ပါတယ်။ 

Trainer တစ်ယောက်အဖြစ် ပြိုင်ပွဲတွေများစွာကို ဝင်ရောက် ယှဉ်ပြိုင်ခဲ့ဖူးတဲ့ ဆုနဒီစိုးဟာ သူမရဲ့ ကြိုးစားအားထုတ်မှုကြောင့်ပဲ Rumble G အဖွဲ့ရဲ့ Leader တစ်ယောက်အဖြစ် ပွဲဦးထွက်လာနိုင်တဲ့ အိုင်ဒေါ တစ်ယောက်ဖြစ်လာခဲ့ပါတယ်။

လက်ရှိမှာ မြန်မာနိုင်ငံက အခြေအနေဆိုးတွေကြောင့် အမိမြေကို လာရောက်ဖျော်ဖြေဖို့ မဖြစ်နိုင်ပေမယ့်အခြေအနေတွေ ကောင်းမွန်လာရင် Rumble G အဖွဲ့နဲ့အတူ မြန်မာပြည်မှာ လာရောက်ဖျော်ဖြေချင်တယ်လို့ ဆုနဒီစိုးက အခုလို ပြောလာခဲ့ပါတယ်။ 

“Till the days I can come and perform on my mother land’s stage …. 

Stay strong ??”

(အမိမြေမှာ လာရောက်ဖျော်ဖြေနိုင်တဲ့ နေ့ရက်တွေရောက်တဲ့အထိ အားတင်းထားပါနော်) 

မြန်မာနိုင်ငံသူလေးက ကိုရီးယားနိုင်ငံမှာ အိုင်ဒေါခေါင်းဆောင်တစ်ယောက်အဖြစ် ပွဲဦးထွက်နိုင်ခဲ့လို့ အရမ်းကိုဂုဏ်ယူစရာကောင်းလှပါတယ်နော်။ အခြေအနေအနေတွေ ကောင်းလာတဲ့ တစ်နေ့ Rumble G အဖွဲ့ မြန်မာပြည်ကိုလာရောက်ဖျော်ဖြေတဲ့အခါကြရင်လည်း မြန်မာပြည်သူပြည်သားတွေက အင်တိုက် အားတိုက် အားပေးကြမှာအသေအချာပဲ ဖြစ်ပါတယ်။ Rumble G က အဖွဲ့ဝင် ၄ ယောက် (DiDi ၊ Gayun ၊ Barum ၊Ian ) တို့နဲ့ ၂၀၂၁ ခုနှစ်တုန်းက ပွဲဦးထွက်လာခဲ့တာဆိုပေမယ့် လက်ရှိမှာတော့ DiDi ၊ Gayun ၊ Barum  အဖွဲ့ဝင် ၃ယောက်ပဲ ရှိပါတော့တယ်။ 

Rumble G အဖွဲ့ ဒီထက်မက အောင်မြင်ပြီး တောင်ကိုရီးယားရဲ့ ထိပ်တန်းအဖွဲ့တွေထဲက တစ်ခု ဖြစ်လာဖို့ဆုတောင်းပေးရင်း အခုအကြောင်းအရာလေးကို ဖော်ပြပေးလိုက်ပါတယ်။