တောင်ကိုရီးယား မင်းသား Kang Ki Young ဟာ လတ်တလောမှာ စိတ်ဝင်စားဖို့အကောင်းဆုံး မင်းသားတွေထဲက တစ်ယောက်အဖြစ် ရပ်တည်လျက်ရှိတဲ့ သူဖြစ်ပါတယ်။ သူပါဝင်ရိုက်ကူးထားတဲ့ ဇာတ်လမ်းတွဲ Extraordinary attorney woo ဇာတ်လမ်းတွဲက လတ်တလောမှာ နာမည်ကြီးနေပြီး ပရိသတ်တွေရဲ့ အာရုံကိုဆွဲဆောင်နိုင်လျက်ရှိပါတယ်။ Kang Ki Young က နှစ်ပေါင်းများစွာ အနုပညာလောကမှာ ကျင်လည်ခဲ့ပေမယ့်လည်း သူ့ကို ပရိသတ်တွေ သိပ်ပြီး မသိခဲ့ကြပါဘူး။
![](https://s9.kh1.co/53/53e933b0b74b7e2d685467f42b1406dddcb529c2.jpg)
Kang Ki Young က ရုပ်ရှင်ဇာတ်လမ်းတွဲတွေ များစွာမှာ ပါဝင်ဖူးပေမယ့် နာမည်ကြီးပြီး လူသိမလာတဲ့သူဖြစ်ပါတယ်။ ဒါပေမယ့်လည်း Kang Ki Young က အပေါင်းအသင်း မိတ်ဆွေ ပေါများပြီး နာမည်ကြီးတွေနဲ့လည်း တော်တော်လေး ရင်းနှီးတဲ့သူဖြစ်ပါတယ်။
Kang Ki Young က သူချစ်ရတဲ့ကောင်မလေးနဲ့ ၃ နှစ်တာ တွဲပြီးနဲ့နောက်၂၀၁၉ ခုနှစ်မှာ လက်ထပ်ခဲ့တာဖြစ်ပါတယ်။ သူရဲ့ လက်ထပ်ပွဲကို ၂၀၁၉ ခုနှစ် မေလ ၂၅ ရက်နေ့မှာ ကျင်းပပြုလုပ်ခဲ့ပါတယ်။ မင်္ဂလာဆောင်ခဲ့ချိန်က Kang Ki Young က နာမည်ကြီးတဲ့ သူတစ်ယောက် မဟုတ်သေးပါဘူး။ ဒါပေမယ့် လည်း နာမည်ကြီး အနုပညာရှင်ပေါင်းများစွာ Kang Ki Young ရဲ့ မင်္ဂလာပွဲကို တက်ရောက်ခဲ့ပါတယ်။ Kang Ki Young ရဲ့ မင်္ဂလာပွဲက အရမ်းကို နာမည်ကြီးတဲ့ ဧည့်သည်တွေကြောင့် ရှာဖွေမှု အများဆုံး ဖြစ်လာခဲ့ပါတယ်။ Kang Ki Young က သူ့ရဲ့ မင်္ဂလာပွဲကို Gyeonggi စီရင်စုမှာပဲ သီးသီးသန့်သန့် ကျင်းပခဲ့တာဖြစ်ပါတယ်။
![](https://s9.kh1.co/87/876a2389dbbf61e348580e43f294e6f2a1a37ed3.jpg)
![](https://s9.kh1.co/38/38533078e920a86595126d558529b7c5ce6bf6b3.jpg)
![](https://s9.kh1.co/cd/cd41825743c5eff46eb1d2aff56784ac8bc261a2.jpg)
![](https://s9.kh1.co/40/4011325da64ee7c30fa6a2b33b46de84d0832213.jpg)
Kang Ki Young ရဲ့ မင်္ဂလာပွဲက ကြာခဲ့ပြီဆိုပေမယ့် အခုမှပြန်လည်ပြီး မင်္ဂလာပွဲ ပုံရိပ်တွေက ပြန့်နှံ့နေတာဖြစ်ပါတယ်။
![](https://s9.kh1.co/df/dfce9f074e795f46379f65e63a0b607bd31065bf.jpg)
![](https://s9.kh1.co/8f/8f278878abefa101fc877fb5b52527e785dcbbd1.jpg)
![](https://s9.kh1.co/43/43fc85c3fc4f8ec04689223c78af800b529d1995.jpg)
ပုံရိပ်တွေနဲ့ အတူ မင်္ဂလာပွဲ တက်ရောက်ခဲ့တဲ့ လူစာရင်းဟာလည်း လူစိတ်ဝင်စားမှု ဖြစ်တက်နေပါတယ်။ မင်္ဂလာပွဲကိုနာမည်ကြီး ထိပ်တန်းတွေဖြစ်တဲ့ Yoona ၊ Park Seo Joon ၊ Kim So Hyun ၊ Jung So Min ၊ Yoo Jae Suk နဲ့ Minah တို့နဲ့ B-list ကြယ်ပွင့်တွေ အများစု တက်ရောက်ခဲ့တယ်လို့ သိရပါတယ်။ တောင်ကိုရီးယားမင်းသား Kang Ki Young ရဲ့ ကြီးကျယ်ခမ်းနားလှတဲ့ မင်္ဂလာပွဲ ပုံရိပ်လေးတွေကို ကြည်နူးစရာလေး ပြန်လည် ဖော်ပြပေးလိုက်ပါတယ်နော်။
![](https://s9.kh1.co/03/030b3f6ce7ffed4e66c967b2f31a3aefc6ac869b.jpg)
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။