ယွန်းမီ ဇာတ်ကောင်နဲ့ ပရိသတ်တွေရဲ့ အပြင်းအထန်မုန်းတီးခြင်းကို ခံခဲ့ရတယ်ဆိုတဲ့ တောင်ကိုရီးယားမင်းသမီး Kim So-yeon

တောင်ကိုရီးယားမင်းသမီး Kim So-yeon ဟာဆိုရင် The Penthouse: War in Life ဇာတ်လမ်းတွဲနဲ့ ပရိသတ်တွေရဲ့ အားပေးခြင်းကို တခဲနက် ရရှိခဲ့တဲ့ သူဖြစ်ပါတယ်။ ကောင်းမွန်ပြည့်စုံတဲ့ သရုပ်ဆောင်စွမ်းရည်တွေနဲ့ ပိုင်နိုင်ထိမိလွန်းလှတဲ့ သရုပ်ဆောင် အရည်အချင်းကြောင့် Kim So-yeon ဟာဆိုရင် အသက် ၂၇ နှစ်အရွယ်တည်းနဲ့ Daesang ဆုကို ရရှိခဲ့တာဖြစ်ပါတယ်။ Kim So-yeon ဟာ ပွဲဦးထွက်စဉ်ကတည်း ဗီလိန်တစ်ယောက်အဖြစ် သရုပ်ဆောင်ခဲ့တာကြောင့် သူမကို မုန်းတီးကြတဲ့သူတွေ အများကြီးပဲ ဖြစ်ပါတယ်။

Kim So-yeon ဟာ အပြင်လက်တွေ့ဘဝမှာ ရုပ်ရည်ချောမောလှပပြီး စိတ်ထားကောင်းတဲ့ သူဖြစ်ပေမယ့်လည်း သူမကို ပရိသတ်တွေတော်တော်များများက မုန်းတီးကြပါတယ်။ Kim So-yeon ကို ဘယ်လောက်အထိ မုန်းတီးကြလဲဆိုရင် သူမ အသက် ၂၀ အရွယ်တုန်းက ပြည်သူတွေ အမုန်းဆုံးအနုပညာရှင်တစ်ယောက်အဖြစ်တောင် သတ်မှတ်ခြင်း ခံခဲ့ရတာဖြစ်ပါတယ်။

Kim So-yeon ကို လူတွေ အမုန်းဆုံး ဖြစ်ခဲ့တဲ့ အချိန်က ဆည်းဆာရင်ခုန်သံ (All About Eve) ဇာတ်လမ်းထဲမှာ ယွန်းမီ ဇာတ်ကောင်အဖြစ် ပါဝင်သရုပ်ဆောင်ခဲ့တုန်းက ဖြစ်ပါတယ်။ အဲဒီအချိန်တုန်းက သူမကို မုန်းတီးကြလွန်းလို့ သူမရဲ့ ကုမ္ပဏီဖြစ်တဲ့ MBC ကို ဖုန်းတွေဆက်ပြီး ဆဲဆိုကြတဲ့ အထိ ဖြစ်ခဲ့တယ်လို့ သိရပါတယ်။ အဲဒီအချိန်တုန်းက Kim So-yeon ရဲ့ အသက်က ၂၁ နှစ်အရွယ်ပဲ ရှိပါသေးတယ်။

အသက် ၂၁ နှစ်အရွယ် ၊ အရွယ်ကောင်းလေးမှာ တစ်တိုင်းပြည်လုံးက ဝိုင်းပြီး အမုန်းခံရတာကလည်း Kim So-yeon အတွက် ကြီးမားလွန်းတဲ့ စိန်ခေါ်မှုကြီး တစ်ခုဖြစ်နေမှာပါ။ Kim So-yeon ကို မုန်းတဲ့အထဲမှာ တောင်ကိုရီးယား စစ်သားတွေလည်း ပါဝင်ခဲ့တယ်လို့ သိရပါတယ်။ တောင်ကိုရီးယား စစ်သားတွေကပါ သူမကို မုန်းတီးခဲ့တယ်ဆိုတာကို သိခဲ့ရတဲ့အတွက် Kim So-yeon ကိုယ်တိုင်လည်း များစွာ အံ့သြ တုန်လှုပ် ခဲ့ရတယ်လို့ အင်တာဗျူးတစ်ခုမှာ ဆိုထားပါတယ်။

Kim So-yeon ဟာ လက်တွေ့ဘဝမှာတော့ အရမ်းကို ချစ်ဖို့ကောင်းပြီး အမြဲတမ်းရယ်နေတဲ့ သဘောကောင်းတဲ့သူဖြစ်ပါတယ်။

နောက်ထပ် နှစ်ပေါင်း ၂၀ ကြာတဲ့အချိန်မှာ Kim So-yeon ဟာ ဗီလိန်ဇာတ်ကောင်နေရာကနေ ထပ်မံ ပါဝင်သရုပ်ဆောင်ခဲ့ပါတယ်။ ဒီတစ်ခေါက်မှာတော့ ထူးထူးခြားခြားနဲ့ Kim So-yeon တစ်ယောက် ပရိသတ်တွေဆီကနေ အချစ်တွေ ရရှိခဲ့ပါတယ်။ ပရိသတ်တွေရဲ့ လက်ခံပေးမှုနဲ့ grand prize ကိုပါ ရရှိခဲ့တဲ့ Kim So-yeon ဟာ ဝမ်းသာလွန်းလို့ မျက်ရည်တွေတောင် ကျခဲ့ရတယ်လို့ သိရပါတယ်။

Kim So-yeon ဟာ ရုပ်ရှင်ဇာတ်လမ်းတွဲတွေမှာ ပါဝင်သရုပ်ဆောင်ခဲ့ရုံသာမက Gyeongseong မှာ ရှိတဲ့ အကောင်းဆုံး စားသောက်ဆိုင်ကြီးရဲ့ ပိုင်ရှင်တစ်ယောက်လည်း ဖြစ်ပါတယ်။ သရုပ်ဆောင်ပိုင်းမှာသာမက စီးပွားရေးမှာပါ အချက်ကျကျဆောင်ရွက်နိုင်တဲ့ Kim So-yeon ရဲ့ အရည်အချင်းက တကယ်ကို အံ့သြဖို့ကောင်းလှပါတယ်နော်။

ဗီလိန်သရုပ်ဆောင်အဖြစ်နဲ့ ပရိသတ်တွေရဲ့ မုန်းတီးမှုကို ခံခဲ့ရပြီး ဗီလိန်သရုပ်ဆောင် အဖြစ်နဲ့ပဲ ပရိသတ်တွေရဲ့ အချစ်တော် တစ်ယောက် ဖြစ်လာခဲ့တဲ့ တောင်ကိုရီးယားမင်းသမီး Kim So-yeon ရဲ့ အကြောင်းလေးကို ပရိသတ်ကြီးအတွက် ဖော်ပြပေးလိုက်ပါတယ်။