ဖုံးကွယ်ထားတဲ့ မင်းသမီး Jang Nara ရဲ့ ခင်ပွန်းဖြစ်သူ မျက်နှာပေါ်ထွက်လာ

တောင်ကိုရီးယားမင်းသမီး Jang Nara ဟာဆိုရင် နာမည်ကြီးပြီးအောင်မြင်မှုတွေ ရရှိပိုင်ဆိုင်ထားတဲ့သူဖြစ်ပါတယ်။ Jang Nara ဟာ အသက် ၄၁ နှစ်အရွယ်မှ လက်ထပ်ထားတာဖြစ်လို့ သူမရဲ့ မင်္ဂလာပွဲအကြောင်းကို ပရိသတ်တွေ များစွာက စိတ်ဝင်စားမှု မြင့်တက်လျက်ရှိပါတယ်။

Jang Nara က စတွဲနေခဲ့တဲ့ အချိန်ကစလို့ မင်္ဂလာဆောင်တဲ့အချိန်အထိ ခင်ပွန်းဖြစ်သူရဲ့ ပုံရိပ်တွေကို လူမှုကွန်ရက်စာမျက်နှာပေါ်မှာ ချပြလေ့မရှိပါဘူး။ သူမကိုယ်တိုင်လည်း ခင်ပွန်းဖြစ်သူရဲ့ ပုံရိပ်ကို ချမပြဖို့အတွက် မီဒီယာတွေကို တောင်းဆိုခဲ့ပါတယ်။ ဒါပေမယ့်လည်း ဒီကနေ့မှာတော့ Jang Nara  ရဲ့ ခင်ပွန်းဖြစ်သူရဲ့ ပုံရိပ်က လူမှုကွန်ရက်စာမျက်နှာပေါ်မှာ ပျံ့နှံ့လာခဲ့ပါတယ်။

ဓာတ်ပုံထဲက ဝိုင်းထားတဲ့ အမျိုးသားက Jang Nara ဖြစ်တယ်ဆိုတာကို တောင်ကိုရီးယား သတင်းဌာနတွေ ဘက်ကလည်း အတည်ပြုပေးထားပါတယ်။ ဓာတ်ပုံထွက်လာလာချင်းမှာပဲ Jang Nara   ရဲ့ ခင်ပွန်းဖြစ်သူ ဓာတ်ပုံဟာ ကမ္ဘာတစ်ဝှမ်းက ပရိသတ်တွေကြားမှာ စိတ်ဝင်စားမှု မြင့်တက်ခဲ့ပါတယ်။

Jang Nara ဟာ သူမထက် အသက် ၆ နှစ်ငယ်တဲ့ ခင်ပွန်းဖြစ်သူနဲ့ အခု ဇွန်လ ၂၆ ရက်နေ့ မှာ လက်ထပ်ခဲ့တာဖြစ်ပါတယ်။ မမ Jang Nara နဲ့ ခင်ပွန်းဖြစ်သူတို့က VIP ဇာတ်လမ်းတွဲ ရိုက်ကူးနေရင်း ချစ်ကြိုက်ခဲ့ကြတာလို့ သိရပါတယ်။

လက်ရှိ မှာ မမ Jang Nara   က ဂရုစိုက်တတ်တဲ့ ခင်ပွန်းဖြစ်သူနဲ့ သာယာပျော်ရွှင်စရာ အိမ်ထောင်ရေးကို ရရှိပိုင်ဆိုင်ထား ပြီပဲဖြစ်ပါတယ်။