လက်ထပ်ပြီး ၁၂ ကြာပြီးတဲ့နောက်မှာ ပထမဦးဆုံး မိသားစုအလှ ပုံရိပ်လေးတွေ ချပြလာတဲ့ Han Ji-Hye

တောင်ကိုရီးယားမင်းသမီး Han Ji-Hye ဟာ Beyond the Clouds ၊ May Queen ၊ Little Bride စတဲ့ ဇာတ်လမ်းတွဲတွေနဲ့ ပရိသတ်တွေရဲ့ အားပေးမှုကို တခဲနက် ရရှိခဲ့တဲ့ သူဖြစ်ပါတယ်။ Han Ji-Hye ဟာ လက်ရှိမှာ အနုပညာလှုပ်ရှားမှုတွေ အားလုံးကနေ အနားယူ ထားပြီး ချစ်မိသားစုနဲ့ အတူ သာယာလှပတဲ့ အချိန်လေးတွေကို ကုန်ဆုံးနေတာပဲ ဖြစ်ပါတယ်။

Han Ji-Hye က လက်ထပ်ထားတာ ၂၀၁၀ ခုနှစ်ကတည်းကဆိုပေမယ့် မင်္ဂလာဆောင်စဉ်ကတည်းက ခင်ပွန်းဖြစ်သူရဲ့ ပုံရိပ်ကို တစ်ခါမှ သေသေချာချာ ထုတ်ဖော်ပြသခဲ့ခြင်း မရှိပါဘူး။ ပရိသတ်တွေကတော့ Han Ji-Hye ရဲ့ မိသာစုရဲ့ အကြောင်းကို အရမ်း စိတ်ဝင်စားကြပြီး ခင်ပွန်းဖြစ်သူ အကြောင်းကိုလည်း သိချင်ကြပါတယ်။ ဒီတစ်ခေါက်မှာတော့ Han Ji-Hye က သူမ ခင်ပွန်းနဲ့ သမီးလေး ဖြစ်သူရဲ့ ပုံရိပ်လေးကို အင်စတာဂရမ် စာမျက်နှာပေါ်ကနေ တစ်ဆင့် ချပြပေးလာခဲ့ပါတယ်။

ဓာတ်ပုံလေးထဲမှာတွေ့ရတဲ့ Han Ji-Hye တို့ မိသားစုလေးက ဇာတ်လမ်းတွဲတစ်ခုရဲ့ Happy Ending လေးလိုမျိုးလေး အရမ်းကို ကြည့်ကောင်းလွန်းလှပါတယ်နော်။

အနုပညာလောကထဲက မဟုတ်ဘဲ အပြင်လောကက ချစ်ရတဲ့သူနဲ့ ရွှေလက်တွဲခဲ့တဲ့ Han Ji-Hye ရဲ့ ဘဝဟာ လူရွေး မှန်ကန်ခဲ့တယ်လို့ ဆိုရမှာ ဖြစ်ပါတယ်။ တစ်ခေတ်တစ်ခါက လျှမ်းလျှမ်းတောက် အောင်မြင်ခဲ့တဲ့ တောင်ကိုရီးယားမင်းသမီး Han Ji-Hye ရဲ့ ပျော်ရွှင်စရာ မိသားစု ပုံရိပ်လေးကို ပရိသတ်ကြီးအားလုံးအတွက် ဖော်ပြပေးလိုက်ပါတယ်။