တောင်ကိုရီးယားနာမည်ကြီး မင်းသား Lee Kwang-soo နဲ့ မင်းသမီး Lee Sun-bin တို့ဟာ ကောင်းမွန်တဲ့ ဆက်ဆံရေး ရှိထားကြတာဖြစ်ပါတယ်။ သူတို့နှစ်ဦးက ပေါ့ပေါ့ပါးပါးနဲ့ Running Man အစီအစဉ်မှာ တွေ့ဆုံခဲ့ကြတာဆိုပေမယ့် သူတို့ရဲ့ အချစ်ရေးကတော့ လေးလေးနက်နက် ရှိလှပါတယ်။
![](https://s9.kh1.co/31/311b241306ab9fc918f929194fe78001a8801635.jpg)
![](https://s9.kh1.co/49/4993642f59c5f76206f2f1a580b56b0ce30c3975.png)
Lee Kwang-soo နဲ့ Lee Sun-bin တို့နှစ်ဦးက၂၀၁၆ ခုနှစ်တုန်းက ထုတ်လွှင့်ခဲ့တဲ့ Running Man အပိုင်းတစ်ပိုင်းမှာ တွေ့ဆုံခဲ့ကြတာဖြစ်ပြီး အဲဒီအပိုင်းမှာပဲ ချစ်ကြိုက်ခဲ့ကြတာဖြစ်ပါတယ်။ ၂၀၁၈ ခုနှစ်မှာတော့ သူတို့နှစ်ဦး တွဲနေပြီဖြစ်ကြောင်းကို တရားဝင် အသိပေးခဲ့ပါတယ်။
![](https://s9.kh1.co/6d/6dd3beef73d95b9b93fc75bdb4bfd822d41422dc.png)
ဒီကြားထဲမှာ လမ်းခွဲလိုက်ပြီဆိုတဲ့ Rumors တွေ ထွက်ရှိခဲ့ပေမယ့်လည်း သူတို့နှစ်ဦးက အချင်းချင်း ချစ်နေကြဆဲဖြစ်ပြီး ခိုင်မာတဲ့ဆက်ဆံရေးတစ်ခုကို တည်ဆောက်ထားတုန်း ဖြစ်ပါတယ်။
![](https://s9.kh1.co/aa/aa38cb355f2f1c6f07e8f524dd01eea863734e36.jpg)
ဒီကနေ့ ဇူလိုင်လ ၁၅ ရက်နေ့မှာလည်း Lee Kwang-soo က သူ့ရဲ့ အင်စတာဂရမ် လူမှုကွန်ရက် စာမျက်နှာပေါ်မှာ မွေးနေ့ဆုတောင်းပေးခဲ့ကြသူတွေကို ကျေးဇူးတင်ကြောင်း ပုံလေးတွေနဲ့တကွ တင်ပေးလာပါတယ်။ Lee Kwang-soo ရဲ့ ပုံလေးတွေအောက်မှာ သူရဲ့ ချစ်သူကောင်မလေး Lee Sun-bin က အအေးဘူးနဲ့ ကိတ်မုန့်ပုံ emoji လေး မန့်ထားတာကြောင့် ပရိသတ်တွေကလည်း သူတို့နှစ်ယောက်ရဲ့ ဆက်ဆံရေးလေးကို အရမ်းတွေ အူယားနေကြပါတယ်။
![](https://s9.kh1.co/90/90657bcda66de09b38d137aebd623f8633bc098d.webp)
ချစ်သူကောင်လေးရဲ့ ပိုစ့်အောက်အထိ Comment လေးလာပေးထားတယ်ဆိုတော့ သူတို့နှစ်ဦးရဲ့ အချစ်ရေးလေးက ကောင်းမွန်နေတယ်ဆိုတာ သက်သေပြနေပါတယ်နော်။ ၄ နှစ်ကြာသည့်တိုင်အောင် တွဲလက်တွေ ခိုင်မြဲနေကြဆဲ ဖြစ်တဲ့ တောင်ကိုရီးယားမင်းသား Lee Kwang-soo နဲ့ ချစ်သူကောင်မလေး Lee Kwang-soo တို့အကြောင်းကို ပရိသတ်ကြီးအတွက် ဝေမျှပေးလိုက်ပါတယ်။
![](https://s9.kh1.co/1f/1fc126b9f5b2aced333d2829913d1d59319eccb5.jpg)
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။