တောင်ကိုရီးယားနိုင်ငံမှာ နာမည်ကြီး အချင်းချင်း ပြန်ပြီး လက်ထပ်ထားကြတဲ့ နာမည်ကြီး စုံတွဲတွေ အများကြီးပဲ ဖြစ်ပါတယ်။ အနေနီးလို့ သံဃောဇဉ်တွေ ပိုပြီး တိုးလာကြသလိုပဲ သူတို့တွေထဲမှာ ဝါသနာတူကြရင်း ချစ်ကြိုက်ခဲ့ကြတဲ့ စုံတွဲတွေလည်း အများကြီးပဲဖြစ်ပါတယ်။ ဝါသနာတူရင်း ချစ်ကြိုက်ခဲ့ကြတဲ့ နာမည်ကြီးတောင်ကိုရီးယား စုံတွဲလေးတွေ အကြောင်းကို ဖော်ပြပေးသွားပါမယ်နော်။
တောင်ကိုရီးယားမင်းသား Lee Byung-hun နဲ့ မင်းသမီး Lee Min-jung
တောင်ကိုရီးယားမင်းသား Lee Byung-hun နဲ့ မင်းသမီး Lee Min-jung တို့ဟာ ဂေါက်ကစားတဲ့နေရာမှာ ဝါသနာတူတဲ့ သူတွေ ဖြစ်ကြပါတယ်။ သူတို့နှစ်ဦးက ဂေါက်ကစားတာကို ဘယ်လောက်အထိ ဝါသနာကြီးလဲဆိုရင် အမေရိကန်နိုင်ငံအထိ သွားပြီး gallery of the Masters Tournament ပွဲစဉ်ကို သွားရောက်အားပေးခဲ့ကြတာဖြစ်ပါတယ်။
တောင်ကိုရီးယားမင်းသား In Kyo-jin နဲ့ မင်းသမီး So Yi-hyun
In Kyo-jin နဲ့ မင်းသမီး So Yi-hyun တို့ဟာလည်း ဂေါက်ကစားရတာကို ဝါသနာပါကြပြီး အားလပ်ချိန်တွေတိုင်းမှာ ဂေါက်ကွင်းကို သွားလေ့ရှိကြတယ်လို့ သိရပါတယ်။ ဝါသနာချင်းတူတဲ့ သူတို့ စုံတွဲလေးဟာ ၂၀၁၄ ခုနှစ်မှာ မင်္ဂလာပွဲ ကျင်းပခဲ့ပြီး In Ha-eun လို့ခေါ်တဲ့ ရင်သွေးလေးကို ဖွားမြင်ခဲ့ပါတယ်။
တောင်ကိုရီးယားမင်းသား Lee Wan နဲ့ ဂေါက်အားကစားသမား Lee Bo-mi
Kim Tae Hee ရဲ့ မောင်လေးဖြစ်တဲ့ Lee Wan နဲ့ ဂေါက်ကစားသမားလေး Lee Bo Mi တို့ဟာလည်း ဝါသနာတူရင်း ချစ်ကြိုက်ခဲ့ကြတာဖြစ်ပါတယ်။ Lee Wan က ဇနီးဖြစ်သူ ဂေါက်ရိုက်နေတဲ့ ဘေးနားလေးမှာ ဇနီးလေးကို စောင့်ကြည့်နေရတာကို သဘောကျတယ်လို့ အင်တာဗျူးတစ်ခုမှာ ဖြေခဲ့ဖူးပါတယ်။ ဂေါက်ရိုက်တာ ဝါသနာပါလွန်းလို့ ဂေါက်ရိုက်ကစားသမားနဲ့တောင် ဖူးစာပါခဲ့တဲ့ Lee Wan ရဲ့ အဖြစ်ကလည်း တကယ် ချစ်ဖို့ကောင်းလွန်းလှပါတယ်နော်။
တောင်ကိုရီးယားမင်းသား Hyun Bin နဲ့ မင်းသမီး Son Ye-jin
တောင်ကိုရီးယားမင်းသား Hyun Bin နဲ့ Son Ye-jin တို့နှစ်ယောက်စလုံးက ဂေါက်ကစားတဲ့နေရာမှာ အရမ်းကို ဝါသနာကြီးတဲ့ စုံတွဲလေးဖြစ်ပါတယ်။ သူတို့နှစ်ဦးက ဝါသနာတူတာကြောင့် ရွှေလက်တွဲခဲ့ရတဲ့စုံတွဲတွေထဲက တစ်တွဲလို့ ပြောရရင်လည်း မမှားပါဘူး။ Son Ye-jin က ဂေါက်ကစားရတာ ဝါသနာကြီးပေမယ့် ကျွမ်းကျင်တဲ့ အဆင့်ထိ မရောက်ရှိသေးတာကြောင့် Hyun Bin က ပြန်ပြီး သင်ပေးရတယ်လို့ သိရပါတယ်။ Son Ye-jin က တစ်ချိန်တည်းမှာ သူငယ်ချင်း အသစ်တွေ အများကြီးရပြီး အားကစားလှုပ်ရှားမှုလည်းဖြစ်တဲ့ ဂေါက်ကစားတာကို ကြိုက်တယ်လို့လည်း အင်တာဗျူးတစ်ခုမှာ ဖြေခဲ့ဖူးပါတယ်။ ပျားရည်စမ်း ခရီးစဉ်မှာလည်း Binjin စုံတွဲလေးက သူတို့ ပါသနာပါတဲ့ ဂေါက်ကစားတာလေးကို လုပ်ခဲ့ပါသေးတယ်။
အသွင်တူလို့ အိမ်တူဖြစ်ခဲ့ကြရတဲ့ တောင်ကိုရီးယားအနုပညာရှင် မောင်နှံလေးတွေအကြောင်းကို ကြည်နူးစရာလေး တင်ဆက်ပေးလိုက်ပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
