သမီးငယ်လေးနဲ့ တစ်နေ့တာ လှုပ်ရှားမှု ဗီဒီယိုလေး ချပြလာတဲ့ တောင်ကိုရီးယားမင်းသမီး Park Ha-sun

တောင်ကိုရီးယားမင်းသမီး Park Ha Sun ဟာဆိုရင် ဒီကနေ့ ဇူလိုင် ၁၄ ရက်နေ့မှာ သမီးငယ်လေးနဲ့ ဆော့ကစားနေတဲ့ တစ်နေ့တာ လှုပ်ရှားမှု ဗီဒီယိုလေးကို ဝေမျှပေးလာခဲ့ပါတယ်။ ဗီဒီယိုလေးထဲမှာ မေမေ Park Ha Sun က ကလေးလေးတစ်ယောက်လိုမျိုး ပျော်ရွှင်စွာ ဆော့ကစားနေတာဖြစ်ပါတယ်။ သမီးလေးကတော့ kickboard  လေးစီးရင်း ချော်လဲကျထားတာကြောင့် ဒူးခေါင်းမှာ ဒဏ်ရာလေးတွေနဲ့ ဖြစ်နေပါတယ်။ သမီးငယ်လေးက နေရထိုင်ရတာ အဆင်မပြေဖြစ်နေတာကြောင့် နောက်ပြန်လှဲချတော့မယ့်အချိန်မှာ မေမေ Park Ha-sun က သမီးလေးဆီကို အပြေးလေး သွားခဲ့တာဖြစ်ပါတယ်။

ဒဏ်ရာရနေတဲ့ သမီးလေး စိတ်ပြေဖို့အတွက် ဆပ်ပြာပူဖောင်းလေးတွေ မှုတ်ပြီး ချော့နေပေမယ့်လည်း သမီးလေးထက် မေမေ က ပိုပြီး စိတ်လှုပ်ရှားနေတဲ့ ပုံစံမျိုး ဖြစ်နေပါတယ်။ ချစ်ဖို့ကောင်းတဲ့ သားအမိလေးနှစ်ယောက်ရဲ့ ဗီဒီယိုလေးက ချက်ချင်းဆိုသလိုပဲ လူမှုကွန်ရက် စာမျက်နှာပေါ်မှာ နာမည်ကြီးနေပါတယ်။

တောင်ကိုရီးယား မင်းသမီး Park Ha-sun ဟာ မင်းသား Ryu Soo-young နဲ့ လက်ထပ်ခဲ့ပြီး ချစ်စရာ သမီးလေး တစ်ယောက်နဲ့အတူ သာယာပျော်ရွှင်စရာ အိမ်ထောင်ရေးလေးကို တည်ဆောက်ထားတာပဲဖြစ်ပါတယ်။

လက်ရှိမှာဆိုရင် သမီးလေးက တော်တော်လေးတောင် အရွယ်ရောက်နေပြီပဲဖြစ်ပါတယ်။ ချစ်ဖို့ကောင်းတဲ့ သားအမိနှစ်ယောက်ရဲ့ဗီဒီယိုလေးကို ပရိသတ်ကြီးအတွက် ဝေမျှပေးလိုက်ပါတယ်။