ချစ်စရာသမီးလေးနဲ့ ပျော်ရွှင်စရာ အိမ်ထောင်ရေးလေးကို ရရှိပိုင်ဆိုင်ထားတဲ့ ခိုအားလား မင်းသမီး

စပိုင်ချစ်သူ ဇာတ်လမ်းတွဲနဲ့ ခိုအားလား မင်းသမီးလို့ လူသိများခဲ့တဲ့ တောင်ကိုရီးယားမင်းသမီး Nam Sang-mi ဟာဆိုရင် တောင်ကိုရီးယားမင်းသား Lee Sang Yoon နဲ့ လမ်းခွဲပြီး သိပ်မကြာခင်မှာပဲ အခြားတစ်ယောက်နဲ့လက်ထပ်ခဲ့တဲ့သူဖြစ်ပါတယ်။ 

Nam Sang-mi  ဟာ ငယ်စဉ်ကတည်းက အနုပညာလှုပ်ရှားမှု လမ်းကြောင်း ထက်ဆီကိုရောက်ရှိနေခဲ့တာဖြစ်ပြီးအရမ်းကို တော်တဲ့ သရုပ်ဆောင်လေး ဖြစ်ပါတယ်။ Nam Sang-mi  ရဲ့ လက်ရှိအသက်ဟာ ၃၈ နှစ်ရှိနေပြီဖြစ်ပါတယ်။ 

Nam Sang-mi ဟာ အနုပညာလောကက မဟုတ်တဲ့ အပြင်လောကကလူနဲ့ လက်ထပ်ခဲ့တာဖြစ်ပေမယ့် သူမ နဲ့တရားဝင် တွဲနေတယ်ဆိုတဲ့ သတင်းတွေ ထွက်ခဲ့တဲ့သူက မင်းသား Lee Sang-yoon ဖြစ်ပါတယ်။ 

မင်းသား Lee Sang-yoon နဲ့ ၂ နှစ်အကြာတွဲပြီးတဲ့နောက် ၂၀၁၃ ခုနှစ်မှာ လမ်းခွဲခဲ့တဲ့ Nam Sang-mi ဟာ နောက်ထပ် ၂ နှစ်အကြာ ၂၀၁၅ ခုနှစ်မှာ ခင်ပွန်းဖြစ်သူနဲ့ လက်ထပ်ခဲ့တာဖြစ်ပါတယ်။ Nam Sang-mi ဟာ ခင်ပွန်းဖြစ်သူနဲ့ လက်ထပ်ပြီးနောက် ၂၀၁၅ ခုနှစ်မှာပဲ ချစ်စရာ သမီးလေးကို မွေးဖွားခဲ့ပါတယ်။  

လက်ရှိမှာဆိုရင် Nam Sang-mi ရဲ့ သမီးလေးက အသက် ၆ နှစ်အရွယ်တောင်ရှိနေပြီပဲ ဖြစ်ပါတယ်။ Nam Sang-mi က ပုဂ္ဂိုလ်ရေးနဲ့ ပတ်သတ်ပြီး အရမ်းကို သိုသိုသိပ်သိပ် နေတတ်တဲ့ သူဖြစ်တာကြောင့် သူမ သမီးလေးနဲ့ခင်ပွန်းဖြစ်သူရဲ့ ပုံရိပ်လေးတွေကို ဖော်ပြလေ့မရှိပါဘူး။ 

ဆိုရှယ်မီဒီယာကို  အရမ်းအသုံးပြုလေ့ မရှိတာကြောင့်လူသိပ်မသိကြပေမယ့် Nam Sang-mi ရဲ့ အိမ်ထောင်ရေးလေးက အဆင်ပြေပြီး ပြီးပြည့်စုံနေမှာပါလို့ ပရိသတ်တွေ က ခန့်မှန်းပေးထားကြပါတယ်။ 

တစ်ခေတ်တစ်ခါက မြန်မာ ပရိသတ်တွေ ကြားမှာ ခိုအားလားလို့ လူသိများခဲ့တဲ့ မင်းသမီး Nam Sang-mi လေး အကြောင်းကို ချစ်ရတဲ့ ပရိသတ်ကြီးအတွက် ဝေမျှပေးလိုက်ပါတယ်နော်။