တောင်ကိုရီးယား သရုပ်ဆောင် Kang Ki-young ဟာဆိုရင် “Extraordinary Attorney Woo” ဇာတ်လမ်းနဲ့ ပရိသတ်တွေရဲ့ အာရုံကို ဖမ်းစားနိုင်တဲ့ သူဖြစ်ပါတယ်။ Kang Ki-young ဟာ အချိန်ကာလ အတန်ကြာ အနုပညာလှုပ်ရှားမှုမှာ နာမည်တော်တော်လေး ငြိမ်ပြီးတဲ့နောက်မှာ “Extraordinary Attorney Woo” ဇာတ်လမ်းတွဲနဲ့ ပရိသတ်တွေရဲ့ အာရုံကို ပြန်လည် ဖမ်းစားနိုင်ခဲ့တာ ဖြစ်ပါတယ်။
![](https://s9.kh1.co/34/348c1f6ef61e22cd0d4be768d7eaf00cf4fd81f6.png)
Kang Ki-young ဟာ ၂၀၀၉ ခုနှစ်က “Bad Magnet” လို့ခေါ်တဲ့ ပြဇာတ်နဲ့ ပရိသတ်တွေ အရှေ့ကို စတင် ရောက်ရှိခဲ့တဲ့သူဖြစ်ပါတယ်။ ထို့နောက် tvN ဒရမ်မာတွေဖြစ်တဲ့ “What’s Wrong with Secretary Kim?” နဲ့ “Village Survival, the Eight.” တို့မှာ ပါဝင်သရုပ်ဆောင်ခဲ့ပါတယ်။
![](https://s9.kh1.co/20/20484945d75eb0d3b0af97414a95ca77630be969.jpg)
၂၀၁၉ ခုနှစ်မှာ Kang Ki-young ဟာ ချစ်ရသူလေးနဲ့ လက်ထပ်ခဲ့ပြီး သားလေးတစ်ယောက် ရရှိပိုင်ဆိုင် ခဲ့ပါတယ်။ လက်ထပ်ပွဲ မတိုင်ခင်တုန်းကတည်းက Kang Ki-young က သူဟာ သူ့ရဲ့ အချစ်ရေးအကြောင်းကို ထုတ်ဖော် မပြောချင်ပေမယ့် ချစ်သူထားလိုက်ပြီဆိုတာနဲ့ ချစ်သူကို ပုန်းလျှိုးဝှက်လျှိုး မထားချင်ကြောင်း ဆိုထားတာဖြစ်ပါတယ်။ သားဖြစ်သူ မွေးဖွားပြီးကတည်းက Kang Ki-young ဟာ ရင်သွေးလေးနဲ့ အမျိုးသမီးဖြစ်သူတို့ရဲ့ပုံရိပ်လေးတွေကို အမြဲလိုလို ဝေမျှပေးလေ့ရှိတဲ့သူဖြစ်ပါတယ်။
![](https://s9.kh1.co/c8/c845c3cdeb8f4f04e8048c1e9476f0120bc902ba.jpg)
Kang Ki-young ဟာ “Oh My Ghost,” ၊ “Puck!” ၊ “W,” ၊ “Weightlifting Fairy Kim Bok-ju,” ၊ “What’s Wrong with Secretary Kim?” ၊ “On Your Wedding Day” နဲ့ “High Society.” ဇာတ်လမ်းတွဲတွေထဲမှာ သရုပ်ဆောင်ထားတာဖြစ်ပါတယ်။
![](https://s9.kh1.co/b3/b3a31ca13c2fbe1aa474d2973ea3e37a0e5cdea6.jpg)
ဇာတ်ပို့ သရုပ်ဆောင်တစ်ယောက် ဆိုပေမယ့် ကျရာဇာတ်ရုပ်ကို ပီပီပြင်ပြင်နဲ့ တန်ဖိုးထားပြီး သရုပ်ဆောင်နိုင်တဲ့ Kang Ki-young ရဲ့ စိတ်ဓာတ်လေးကလည်း တကယ်ကို လေးစားဖို့ကောင်းလှပါတယ်။ လက်ရှိမှာ ပရိသတ်တွေ စိတ်ဝင်စားမှု မြင့်တက်နေတဲ့ Kang Ki-young ရဲ့ ချစ်စရာ အိမ်ထောင်ရေး ဘဝအကြောင်းလေးကို ပရိသတ်ကြီးအတွက် ဝေမျှပေးလိုက်ပါတယ်။
![](https://s9.kh1.co/5a/5a19b011d41607690d52247df0c8dac486551bd2.png)
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။