မကြာသေးမီက Rolling Stone Korea ကထုတ်ပြန်လိုက်တဲ့ Blackpink အကြောင်း ဆောင်းပါးအပြီးမှာ Jisoo ကို တောင်းပန်ဖို့အတွက် ပရိသတ်တွေအများအပြားက တောင်းဆိုခဲ့ကြပါတယ်။
Blackpink အကြောင်းရေးထားတဲ့ ဆောင်းပါနဲ့ ပတ်သတ်ပြီးတော့လည်း ကမ္ဘာတစ်ဝှမ်းက ပရိသတ်တွေ အများအပြားက ဒေါသထွက်နေကြပါတယ်။ အကြောင်းအရင်းကို ဆက်ပြီး ဖော်ပြပေးသွားပါမယ်နော်။
Rolling Stone Korea ဟာ မကြာသေးမီက ကမ္ဘာနဲ့ချီပြီး အောင်မြင်မှုတွေ ရရှိနေတဲ့ အဖွဲ့အကြောင်း ဆောင်းပါးတစ်စောင် ထုတ်ပြန်ခဲ့ပါတယ်။ အဆိုပါ ဆောင်းပါးထဲမှာ Blackpink အဖွဲ့ဝင် Jisoo ဟာ အဖွဲ့ထဲမှာ ထူးချွန်တဲ့ စွမ်းရည်မရှိတဲ့ သူဖြစ်ကြောင်း ထည့်သွင်းရေးသားထားပါတယ်။ အဆိုပါ ဆောင်းပါး တင်ပြီးပြီးချင်းမကြာမီမှာပဲBLACKPINK ပရိသတ်များ ဟာ ချက်ချင်းဆိုသလို ဒေါသထွက်ခဲ့ကြပါတယ်။
ဆောင်းပါးထဲမှာ ထည့်သွင်းရေးသားထားတဲ့ အကြောင်း အရင်းအပြည့်အစုံကို အောက်မှာ ဘာသာပြန်ပေးထားပါတယ်။
“Jisoo က Blackpink အဖွဲ့ထဲမှာ အပြောင်မြောက်ဆုံးအဆိုရှင် မဟုတ်သလို အကသမားအဖြစ်လည်းအရည်အချင်း ပြည့်မီတဲ့ သူမဟုတ်ပါဘူး။ ဒါပေမယ့် Blackpink အဖွဲ့ထဲမှာ သူမရဲ့ ပုံစံက အရမ်းထင်ရှားနေပါတယ်။”
Jisoo ကို အခြားအဖွဲ့ဝင်များနဲ့ နှိုင်းယှဉ်ပြီး သိက္ခာချတဲ့ အရေးအသားမျိုး ဖြစ်တာကြောင့် အဆိုပါ ဆောင်းပါးတင်ပြီးပြီးချင်းမှာပဲ Jisoo ကို ပြန်တောင်းပန်ဖို့ Blackpink ပရိသတ်တွေက Rolling Stone Korea ကို တောင်းဆိုထားကြပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
