သားလေးကို လက်ထဲကနေမချ သဲသဲလှုပ်ချစ်ကြတဲ့ယောက္ခမကြီးတွေကြောင့် ဝမ်းသာပျော်ရွှင်နေတဲ့ စုစုဝေ

ဂျာမနီအဆိုတော် Mikis Weber ဟာဆိုရင် တိုင်းတစ်ပါးသားဆိုပေမယ့် မြန်မာနိုင်ငံကို ချစ်ပြီး မြန်မာလူမျိုးမိန်းကလေး စုစုဝေကို လက်ထပ်ထားတဲ့သူဖြစ်ပါတယ်။ Mikis Weber နဲ့ စုစုဝေတို့ဟာ လူမျိုးချင်းမတူပေမယ့်လည်း တစ်ယောက် အပေါ်တစ်ယောက် အရမ်းချစ်ကြပါတယ်။ အခုအချိန်မှာဆိုရင် လိုက်ဖက်တဲ့ သူတို့ စုံတွဲလေးဆီမှာ Rio လို့ အမည်ပေးထားတဲ့ ရင်သွေးလေးကို ရရှိပိုင်ဆိုင်ထားပြီပဲဖြစ်ပါတယ်။ 

သူတို့နှစ်ဦးက လက်ရှိမှာ ဂျာမနီနိုင်ငံမှာနေထိုင်နေကြပြီး သာယာလှပတဲ့ မိသားစု ဘဝလေးကို ရရှိပိုင်ဆိုင်ထားကြတာဖြစ်ပါတယ်။   လူမျိုးခြားပေမယ့်လည်း Mikis  တို့ မိဘတွေဘက်က ချွေးမလေး စုစုဝေကို အရမ်းချစ် ကြပါတယ် ။ သားအချစ် မြေးအနှစ်ဆိုသလိုပဲ မြေးလေး Rio လေးကိုလည်း တုန်နေအောင်ချစ်ကြပါတယ်။ 

ချစ်စရာ သားသားလေးရဲ့ ပုံရိပ်လေးတွေကို အမြဲ ဝေမျှပေးလေ့ရှိတဲ့ စုစုဝေက အခုတစ်ခေါက်မှာလည်း ဖွားဖွားကြီးရဲ့အသက် ၈၀ နှစ်ပြည့် မွေးနေ့မှာ မိသားစု စုံညီပျော်ရွှင်စရာ အချိန်လေးတွေ ကုန်ဆုံးနေကြတဲ့ ပုံရိပ်လေးတွေဝေမျှပေးလာခဲ့ပါတယ်။ 

ဓာတ်ပုံထဲမှာဆိုရင် ဖအေတူမြေးချောလေးကို လက်ထဲကနေမချ တုန်နေအောင်ချစ်နေကြတဲ့ ဖွားဖွား ၊ ဦးဦးဒေါ်ဒေါ်တွေကို တွေ့ရမှာဖြစ်ပါတယ်နော်။

 ဖိုးဖိုးကြီးကတော့ ဆုံးသွားပြီဖြစ်တာကြောင့် ဓာတ်ပုံလေးပဲ တွေ့ရတော့ပါတယ်။ Mikis  နဲ့ စုစုဝေတို့ မိသားစုလေးရဲ့ ကြည်နူးစရာကောင်းလှတဲ့ ဓာတ်ပုံလေး တွေကို ပရိသတ်ကြီးအတွက်ဝေမျှပေးလိုက်ပါတယ်။