တောင်ကိုရီးယား နာမည်ကြီး သရုပ်ဆောင် နှစ်ယောက်ဖြစ်တဲ့ ဆောင်းဂျွန်ကီနဲ့ဆောင်းဟေကို စုံတွဲလေးဟာ လူတိုင်းအားကျပြီး အားပေးရတဲ့ နာမည်ကြီး စုံတွဲလေးဖြစ်ပါတယ်။ သူတို့နှစ်ဦးက “Descendants of the Sun” ဇာတ်လမ်း နဲ့ လူသိများ အောင်မြင်လာခဲ့တာဖြစ်ပြီး ဇာတ်လမ်းတွဲထုတ်လွှင့် ပြသပြီး မကြာခင်မှာပဲ လက်ထပ်ခဲ့ကြတာဖြစ်ပါတယ်။
![](https://s9.kh1.co/c2/c2d7502e4645ec6b96b9f234fb25435c2bd133df.jpg)
လက်ထပ်ပြီး ၃ နှစ်အကြာမှာတော့ သူတို့နှစ်ဦးဟာ ကွာရှင်းခဲ့ပါတယ်။ မကြာသေးမီက သတင်းတွေအရ ဆောင်းဂျွန်ကီနဲ့ ဆောင်းဟေကို ပြန်လည် ပေါင်းစည်းကြတော့မယ်လို့ ကောလာဟလတွေ ထွက်ရှိလာခဲ့ပါတယ်။ သူတို့နှစ်ဦး ပြန်ပြီး လက်ထပ်ကြမယ့် အချိန်က အခုနှစ် ဒီဇင်ဘာလမှာ ဖြစ်တယ်လို့ သိရပါတယ်။ ဆောင်းဆောင်းစုံတွဲနှစ်ဦးရဲ့ သတင်းက ချက်ချင်းဆိုသလိုပဲ Netizen တွေရဲ့ အာရုံကို ဖမ်းစားနိုင်ခဲ့ပါတယ်။
![](https://s9.kh1.co/76/76f017cbf7c3b9e5e4d6000552bb77ab321d5fb0.jpg)
ဆောင်းဆောင်းစုံတွဲရဲ့ ပရိသတ်တွေကတော့ ဒီသတင်းက တကယ်လား တကယ်မဟုတ်ဘူးလားဆိုပြီး ရှုပ်ထွေးနေကြပါတယ်။ သေသေချာချာလေး စုံစမ်းစစ်ဆေးကြည့်လိုက်တဲ့ အချိန်မှာလည်း ဒီသတင်းက မရေရာတဲ့နေရာကနေ ရောက်လာတဲ့ သတင်းဖြစ်ပြီး ခိုင်မာမှု မရှိဘူးလို့ဆိုကာ ကောလာဟလအဖြစ်သာ သတ်မှတ်ထားကြပါတယ်။ ဒီသတင်းနဲ့ပတ်သတ်ပြီး ပရိသတ်တွေက ပြန်ပေါင်းစေချင်တဲ့ အဖွဲ့နဲ့ ပြန်ပြီး မပေါင်းစေချင်တဲ့ အဖွဲ့ဆိုပြီး နှစ်ပိုင်းကွဲသွားပါတယ်။
![](https://s9.kh1.co/9c/9cba6610f946403cc539867221ddaf43573a3cf2.jpg)
![](https://s9.kh1.co/f7/f769d66d8d2eec9f4fc703461b90707555d9172c.jpg)
ဆောင်းဆောင်းစုံတွဲလေးဟာ ၂၀၁၉ ခုနှစ်မှာ ကွာရှင်းခဲ့ကြတဲ့ စုံတွဲလေးဖြစ်ပါတယ်။ ကွာရှင်းပြီးနောက်မှာ သူတို့နှစ်ဦးက အခြားဘယ်သူနဲ့မှ တရားဝင် တွဲနေတာမျိုး မရှိသေးပါဘူး။
![](https://s9.kh1.co/4d/4da49984f34818686e17e794663ab2b36a7a1ce9.jpg)
အလုပ်ကိုသာ အဓိက အာရုံစိုက်နေကြတဲ့ ဆောင်းဆောင်းစုံတွဲလေးက သူတို့ရဲ့ ပုဂ္ဂိုလ်ရေးနဲ့ ပတ်သတ်ပြီးတော့လည်း အရမ်းကို လျို့ဝှက်ကြတဲ့သူဖြစ်ပါတယ်။ ကဲ .. သင်ဆိုရင်ရော ဆောင်းဆောင်းစုံတွဲကို ပြန်ပေါင်းချင်တဲ့ ဘက်လား .. ပြန်မပေါင်းစေချင်တဲ့ ဘက်ကလား တစ်ခုခုပြောခဲ့ကြပါဦးနော်။
Source - Lovekpop95
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။