အားလုံးပဲ ရွှေမင်းသားလေးချစ်ပုံပြင် ဇာတ်လမ်းလေးကို သေချာပေါက် သိကြမှာပါနော်။ ရွှေမင်းသားလေး ချစ်ပုံပြင်ဇာတ်လမ်းထဲမှာ Ju Ji-hoon ၊ Yoon Eun-hye ၊ Kim Jeong Hoon နဲ့ Song Ji-hyo တို့က အတွဲညီညီ ပါဝင်သရုပ်ဆောင်ထားကြတာဖြစ်ပါတယ်။ လက်ရှိမှာဆိုရင်တော့ ရွှေမင်းသားလေးချစ်ပုံပြင်ဇာတ်လမ်းထဲမှာ အဓိက သရုပ်ဆောင်အဖြစ် ပါဝင်ခဲ့ကြသူတွေက အရံသရုပ်ဆောင်အဖြစ်ပါဝင်ခဲ့တဲ့ Song Ji-hyo လောက်တောင် နာမည်ကို ထင်ထားသလောက် ဆက်ပြီး မထိန်းနိုင်ခဲ့ကြပါဘူး။
Song Jyi Hyo ဟာဆိုရင် အသက် ၄၁ နှစ်အရွယ်ရှိပြီဖြစ်ပြီး လွန်ခဲ့တဲ့ နှစ်ပေါင်း ၂၀ ကတည်းက အနုပညာလှုပ်ရှားမှု နယ်ပယ်ကို ရောက်ရှိနေခဲ့တာဖြစ်ပါတယ်။ ဒါပေမယ့်လည်း Song Jyi Hyo ရဲ့ ရှေးဦးပိုင်း အနုပညာ လှုပ်ရှားမှုတွေက အရမ်းကြီးကောင်းမွန်နေတာမျိုး မဟုတ်ဘဲ အရံအနေနဲ့သာ ပါဝင်ခဲ့တာကြောင့် Song Jyi Hyo ကိုဆိုရင် ဘယ်သူမှ မသိခဲ့ကြပါဘူး။
ရွှေမင်းသားလေးချစ်ပုံပြင် ဇာတ်လမ်းတွဲမှာလည်း Song Jyi Hyo က Yoon Eun Hye ရဲ့ သူငယ်ချင်းနေရာကနေ ပါဝင်သရုပ်ဆောင်ခဲ့တာဖြစ်ပါတယ်။ အရံကာရိုက်တာတွေ များစွာကနေသာ ပါဝင်သရုပ်ဆောင်ခဲ့ရပေမယ့် Song Jyi Hyo ဟာ နာမည် ထိုးကျဆင်းသွားတာမျိုး မရှိဘဲ အောင်မြင်မှုတွေကို ဆက်ပြီး ထိန်းနိုင်ခဲ့ပါတယ်။
ရွှေမင်းသားလေး ချစ်ပုံပြင်ဇာတ်လမ်းတွဲမှာ ပါဝင်ခဲ့တဲ့ အဓိက သရုပ်ဆောင် Yoon Eun Hye ကတော့ အောင်မြင်နေတဲ့ နာမည်ကို ဆက်ပြီး မထိန်နိုင်ခဲ့တာကြောင့် နာမည် ကျဆင်းသွားခဲ့ရပါတယ်။ လက်ရှိမှာဆိုရင် အောင်မြင်မှုတွေကို တိုင်းတာကြည့်ရင် Song Jyi Hyo က Yoon Eun Hye ထက်တောင် အောင်မြင်မှုတွေ ပိုပြီးရနေပါတယ်။
တစ်ချိန်တစ်ခါက အဓိကဇာတ်ကောင်နေရာကနေ ပါဝင်ခဲ့ရပေမယ့် အရံသရုပ်ဆောင်လောက်တောင် အောင်မြင်မှုမရရှိတော့တဲ့ မင်းသမီး Yoon Eun Hye အကြောင်းကို ပရိသတ်ကြီးအတွက် ဝေမျှပေးလိုက်ပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
