တောင်ကိုရီးယား ယောကျာ်းလေးများ အဆိုတော်အဖွဲ့ U Kiss ရဲ့ အဖွဲ့ဝင်ဖြစ်တဲ့ Eli Kim ဟာဆိုရင် မကြာသေးမီက ကွာရှင်းထားတဲ့ အမျိုးသမီးဖြစ်သူနဲ့ ပြန်လည် ဆုံစည်းခဲ့တဲ့ သူဖြစ်ပါတယ်။ ကွာရှင်းပြီးနောက်မှာ အမေရိကားကို ထွက်သွားခဲ့တဲ့ Eli Kim ဟာ 'We Got Divorce 2' အစီအစဉ်နဲ့ ဇနီးဖြစ်သူနဲ့ သားဖြစ်သူဆီကို ပြန်လည်ရောက်ရှိလာခဲ့ပါတယ်။
အချင်းချင်း သံယောဇဉ်တွေ ကျန်ရှိနေကြသေးတာကြောင့် Eli Kim တို့ မိသားစုလေးကို ပြန်များ ပေါင်းစည်းကြမလားလို့ မျှော်လင့်ခဲ့ကြပေမယ့်လည်း မအောင်မြင်ခဲ့ကြတာကြောင့် ပရိသတ်တွေကလည်း များစွာ စိတ်မကောင်းဖြစ်နေကြပါတယ်။
ပရိသတ်တွေ အများကြီး ဝိုင်းဝန်း အားပေးခဲ့တဲ့အတွက် Jiyeon-soo က သူမရဲ့ အင်စတာဂရမ် လူမှုကွန်ရက် စာမျက်နှာပေါ်မှာ ပရိသတ်တွေကို ကျေးဇူး တင်ကြောင်း အခုလိုလေး ဆိုခဲ့ပါတယ်။
“အချစ်တွေ ပေးခဲ့တာအတွက်ရော ၊ စိတ်ဝင်စားမှု ပေးခဲ့တာအတွက်ရော ၊ ထောက်ပံ့ပေးခဲ့တာအတွက်ကိုရော အားလုံးကို ကျေးဇူးတင်ပါတယ်။ ကျွန်မကိုယ်တိုင်လည်း အများကြီးလေ့လာ .. အများကြီးခံစားခဲ့ရပြီး ငိုတာတွေရော ရယ်တာတွေရော အများကြီးလုပ်ခဲ့ပါတယ်။”
ပရိသတ်တွေကို ကျေးဇူးတင်ကြောင်း စာလေးနဲ့အတူ သားဖြစ်သူလေးနဲ့ ပျော်ပျော်ရွှင်ရွှင် ရိုက်ကူးထားတဲ့ ပုံလေးတွေကိုပါ တင်ပေးလာတာကြောင့် သားအမိ နှစ်ယောက်ရဲ့ ပုံလေးတွေ က နာမည်ကြီးနေပါတယ်။
Jiyeon-soo က သူမထက် ၁၁ နှစ်ငယ်တဲ့ U-Kiss အဖွဲ့ဝင် Eli နဲ့ ၂၀၁၄ ခုနှစ်မှာ လက်ထပ်ခဲ့တဲ့သူ ဖြစ်ပြီး ၂၀၂၀ ခုနှစ်မှာ ကွာရှင်းခဲ့ပါတယ်။ ကွာရှင်းပြီးနောက်မှာ သားလေးတစ်ယောက်ကို ရရှိပိုင်ဆိုင်ခဲ့တဲ့ Jiyeon-soo ဟာ လက်ရှိမှာတော့ Single Mother အဖြစ် ရပ်တည်လျက်ရှိပါတယ်။
Photo = Ji Ji-soo's Instagram
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
